Luke 20:10 - The New Testament in Islander Creole

¹⁰ Wen dah wehn taim fi pik griep, di uona sen wan a ihn sorvant fi kalek ihn shier a di griep fahn di man dem huu ihn wehn rent di lan tu. Bot di pipl dem weh wehn rent di grong biit'im op, ahn sen im bak bitout notn.

Luke 20:10 Iomraidhean Croise

Luke 13:34

“Ai Jerusalem, Jerusalem pipl, unu weh kil di prafit dem ahn lik dong wid rak dem weh di Laad sen tu unu! Plenty taim Ah wehn waahn bring unu tugeda, laik how wan hen gyada ihn likl chikin dem aanda ihn wing, bot unu neva waahn Ah du'ih!

Luke 20:11

Den di uona sen wan nada sorvant, ahn dehn biit'im op tu, ahn shiemin'im, ahn sen im bak bitout notn.

Luke 20:9

Den Jesus yuuz dis parabl fi taak tu di pipl dem. Ihn seh: “Wan taim wan man wehn plaant griep iina ihn grong. Den ihn rent'ih out tu som pipl, ahn gaan weh dah wan nada kontry fi wan lang taim.

John 15:16

“Unu neva pik mii, bot dah mii weh pik unu ahn sen unu fi bier fruut, di kain a fruut weh gwain laas lang taim. Sieka dat, mi Faada gwain gi unu enyting weh unu aks im fah iina mi niem.

Romans 7:4

Ahn dat dah di siem wie wid unu, bredrin, bikaaz unu don ded tu di Laa tu. Ahn dah Laa no gat non powa uova unu no muo wen unu ded wid Christ pahn di kraas. Weh Ah miin dah now unu dah fi Him weh God wehn mek riez'op bak fahn di ded fi liv agen. Ahn dat dah how wi kyan du plenty gud tingz fi sorv di Laad.