Luke 2:9 - The New Testament in Islander Creole

⁹ Den aalava sodn wan a di Laad ienjel apier'op pan dem, ahn plenty lait fahn God shain pan dem. Ahn di man dem get uova fried.

Luke 2:9 Iomraidhean Croise

Matthew 1:20

Bot wehn ihn staat tink pan demde tingz, ihn wehn gat wan driim weh wan a di Laad ienjel kom tu him ahn seh, “Joseph, David son, no fried fi marid Mary, bikaaz di bieby weh ihn gwain gat dah sieka di Holy Spirit powa.

Luke 1:28

Di ienjel gaan iina Mary hous ahn seh tu im, “Rijais, Mary, di Laad, huu deh wid yo aal di taim, bles yo muo an aal di ada uman dem!”

Luke 2:8

Dah siem nait, som man dehn wende out dehso iina di fiil, ahn dehn wende main dehn shiip.

Luke 24:4

Ahn wail dehn stil wende wanda dah wada wehn gaan aan, siem taim two man, weh wehn dres op iina uova wait kluoz, wende stan op saida dem.

John 12:41

Isaiah wehn seh dis bikaaz ihn wehn si ho moch powa Jesus wehn gwain gat, ahn ihn eksplien bout'ih iina di Skriptyo.

Acts 12:7

Aalava sodn wan a di Laad ienjel stan op fronta Peter, ahn di prizn sel lait'op wid wan brait lait! Di ienjel shiek Peter, wiek'im op, ahn tel im seh, “Mikies, Peter, ahn get'op.” Siem taim di chien dem jrap aafa Peter han dem!

Acts 27:23

Ah nuo dis bikaaz laas nait wan ienjel fahn di God, weh Ah bilang tu ahn weh Ah sorv, stan nier mi ahn tel mi seh,

Acts 5:19

Bot iina di nait wan ienjel fahn di Laad kom uopm di jiel duo ahn ker dem out. Afta ihn ker dem out, ihn tel dem seh,

2 Corinthians 3:18

So, now dat God don muuv di viel fahn aafa fi wi fies dem, di gluory a di Laad deh shain out fahn wi tu. Ahn dah siem gluory weh kom fahn di Laad —weh dah di Spirit— gwain deh chienj wi ahn mek wi bii muo ahn muo laik him, ahn dat gluory gwain get plenty muo tu.

2 Corinthians 4:6

Bikaaz, God dah di Wan weh seh, “Mek lait shain fahn outa di daaknis!” Ahn dah him weh mek fi him lait shain iina wi haat. Ahn dah lait weh deh shain fahn Christ fies, mek wi nuo God gluory ihself!

1 Timothy 3:16

Dis dah di siikrit bout fi wi fiet, ahn nonbady kyaahn aagyo gens ih: Christ wehn kom iina di worl az wan hyuuman, ahn God Spirit pruuv seh him wehn raichos. Di ienjel dem si'im, ahn di pipl dem wehn taak bout im iina aal di difrent nieshan dem. So dat, iina di worl plenty pipl kom fi chros iina him —di Wan weh God wehn tek op dah hevn.

Hebrews 12:21

Ahn weh dehn wende si, fraitn dem so moch, dat iivn Moses ihnself wehn seh, “Ah wehn so fraitn Ah wende trimbl aal uova!”

Revelation 18:1

Afta dat, Ah si wan nada ienjel deh kom dong fahn outa hevn. Ihn wehn gat plenty powa, ahn di lait weh wende shain fahn im lait'op di huol ort!

Revelation 20:11

Den, Ah si wan big wait chruon ahn di Wan weh wende sidong pan ih. Ahn di ort ahn di skai jos disapier fahn fronta dah Wan pahn di chruon, ahn nonbady neva si dem no muo!