Luke 2:49 - The New Testament in Islander Creole

⁴⁹ Jesus wehn sopraiz ahn ihn aks dem seh, “Wai unu wende luk fi mi iina wan nada plies? Unu no nuo seh Ah fi deh iina mai Faada hous?”

Luke 2:49 Iomraidhean Croise

Matthew 21:12

Den Jesus gaan iina di Templ, ahn ron out aal di pipl dem weh wende iin dehso, deh sel ahn deh bai. Ahn ihn ton uova aal di tiebl fi di pipl dem weh wende chienj mony ahn di bench a di pipl dem weh wende sel dov.

Luke 2:48

Ahn wen ihn muma ahn pupa dem si Jesus, dehn wehn uova sopraiz. Ihn muma seh tu im, “Mi son, wai yo triit wi so? Mii ahn yo pupa wende luk fi yo lang taim ahn deh wory uova yo.”

John 4:34

Jesus seh, “Wen Ah deh du weh God waahn mi fi du, dah jos laik fuud fi mii. Dah him dah di Wan weh sen mii, ahn Ah hafy don du weh ihn sen mi kom du.

John 5:17

Bot Jesus ansa dem seh, “Mi Faada neva stap deh help di pipl dem wen dehn niid, ahn Ai gwain help dem tu.”

John 5:36

“Unu neva si dem mirakl weh di Faada sen mi fi du? Wel, demde mirakl grieta an weh John wehn seh bout mi, bikaaz demde dah weh pruuv seh di Faada sen mi fi chruut.

John 6:38

Bikaaz Ah neva kom dong fahn hevn fi du weh Ah waahn, bot Ah kom fi du weh di Wan weh sen mi waahn.

John 8:29

Di Wan weh sen mi deh wid mii. Him no lef mi luon, bikaaz Ah aalwiez du di tingz dem weh him laik.”

John 9:4

Wi hafy du weh di Wan weh sen mi waahn wi fi du wail dah stil die. Nait deh kom ahn nonbady kyaahn du notn wen nait kom.