Luke 19:9 - The New Testament in Islander Creole

⁹ Jesus ansa im seh, “Tudeh rait yah iina disa hous wan nada man ahn ihn famaly get siev. Zacchaeus dah wan a Abraham son fi chruut, bikaaz ihn chros iina God jos laik wi ansesta dem yuuztu du.

Luke 19:9 Iomraidhean Croise

Luke 13:16

Wel, dis uman dah wan a Abraham daata, weh Satan wehn gat aanda bandij fi huol a eighteen yierz; so unu no tink ih rait fi kyuor im jos bikaaz tudeh dah di Sabat die?”

Luke 13:30

Ah deh tel unu: iina dat taim, som weh deh iina laas plies now, gwain get fos plies; ahn dem weh deh fos now, gwain get laas plies.”

Luke 16:24

Ihn hala out, ‘Faada Abraham! Gat morsy pan mi no! Sen Lazarus fi dip ihn finga hed iina waata ahn kom kuul dong mi tong; Ah deh sofa plenty iina disya faiya!’

Luke 16:30

Di rich man seh, ‘Nuo, Faada Abraham, bot if sombady weh riez bak fahn di ded, go tu dem, dehn gwain ripent fi chruut.’

Luke 3:8

Fos du di tingz weh shuo seh unu stap sin. Ahn no bada tink iina unu haat seh, ‘Wii dah paat a Abraham famaly, so wi gud aredy!’ Mek Ah tel unu, God kyan mek pikniny outa demya rak ahn ton dem iina Abraham famaly!

Romans 4:16

So den, weh God pramis don kom chruu fiet aluon so dat ihn frii gif a salvieshan wuda kom tu aala Abraham disendant dem —tu demde Jew weh chruu dehn fiet du weh di Laa seh dehn fi du, ahn tu demde pipl weh dah no Jew bot weh chros iina God siem laik how Abraham wehn chros iina him. Unu si, dat wie Abraham dah aala wi pupa!

Galatians 3:14

Jesus Christ du dis, so dat di Gentile pipl dem kuda get di siem blesin weh God wehn pramis Abraham. Di chruut dah seh, aala wi weh put wi fiet iina Christ, kyan get di Holy Spirit weh God wehn pramis wi.

Galatians 3:29

Ahn if unu dah fi Christ, den unu dah paat a Abraham famaly lain tu, ahn unu gat ful raits fi get aala weh God wehn pramis tu Abraham lang-lang taim abak!

Galatians 3:7

So unu si, demde pipl weh chros God, dah di wan dem weh kom fahn Abraham famaly lain fi chruut.

1 Peter 2:10

Wan taim wehn deh, wen unu dah neva nonbady; bot now unu dah God pipl dem! Wan taim nonbady neva shuo unu morsy; bot now God shuo unu morsy!