Luke 19:44 - The New Testament in Islander Creole

⁴⁴ Den dehn gwain chruo unu pan di grong ahn kil unu pikniny dem weh deh bihain unu waal. Dehn no iivn gwain mek wan brik stie pan wan anada, bikaaz unu neva pie no main iina di taim wen God wehn kom tu unu!”

Luke 19:44 Iomraidhean Croise

Matthew 24:2

Bot Jesus seh tu dem, “Unu si aal demya tingz, unu si'it? Ah deh tel unu di chruut: nat iivn wan brik gwain lef pan tapa wan anada, weh dehn no gwain chruo dong.”

Mark 13:2

Jesus ansa ahn seh, “Unu si aal demya big bildin? Non a dem no gwain lef deh stan op, nat iivn wan brik pan tapa wan anada, weh dehn no gwain chruo dong.”

Luke 1:68

“Priez di Laad, di God a Israel, bikaaz ihn kom fi help ihn pipl, fi set dem frii.

Luke 1:78

Sieka God kainis, di Wan weh deh kom, gwain kom laik di son iina di maanin weh riez'op iina di skai, fi gi andastandin tu di pipl dem. Ihn gwain bii laik lait fi dem weh liv iina daaknis, ahn fi dem weh fried fi ded. Ahn ihn gwain shuo aala wi how fi liv iina piis.”

Luke 19:42

ahn ihn seh, “Ah wish unu pipl wehn ongl nuo tudeh wat wuda bring piis tu unu; bot unu kyaahn nuo ih, bikaaz ih haid fahn unu!

Luke 21:6

“Unu si aal demya tingz weh unu deh luk pan? Wel, di taim gwain kom wen nat iivn wan brik gwain lef pan tapa wan anada, weh dehn no gwain chruo dong.”

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!