Luke 18:22 - The New Testament in Islander Creole

²² Afta Jesus hier im, ihn seh, “Yo stil gat wan ting muo fi du: Golang ahn sel aal weh yo gat ahn gi di puor dem di mony; den yo gwain get wan paila trezha iina hevn. Afta dat, kom ahn fala mi.”

Luke 18:22 Iomraidhean Croise

Matthew 19:21

Jesus ansa im, “If yo waahn bii uova gud iina evrywie, golang ahn sel weh yo gat ahn gi di puor pipl dem di mony; den yo gwain get wan paila trezha iina hevn. Afta dat, kom ahn fala mi.”

Luke 10:42

bot ongl wan ting yo niid fi du. Mary chuuz di bes wan ahn nonbady kyaahn tek'ih weh fahn im.”

Luke 12:33

Sel aal weh unu gat ahn gi di puor dem di mony, ahn unu gwain get mony bag weh no gwain wier out. Put unu richiz iina hevn weh paat ih no gwain don, ahn weh non tiif kyaahn kom nier dem ahn non wud-lais kyaahn distrai niida,

Luke 16:9

Den Jesus kantinyo ahn seh, “Ah deh tel unu dis: unu mony no gwain laas fareva, so yuuz wateva unu gat pan dis ort fi bii wan gud fren tu pipl, ahn wen unu mony don, God gwain glad fi risiiv unu op iina hevn.

Luke 18:21

Di man seh, “Fahn Ah wehn smaal, mii deh fala aal demya komaanment.”

Luke 18:23

Bot wen di man hier weh Jesus tel im weh ihn hafy du, ihn fies get sad op, bikaaz ihn dah wehn wan uova rich man.

Luke 9:23

Den Jesus seh tu aala dem: “If enywan a unu waahn kom wid mii, unu hafy figat bout unuself, tek op unu kraas evry die —pripier fi sofa— ahn fala mi.

Philippians 3:13

Bredrin, mek Ah tel unu: Ah no tink seh Ah don get deh yet. Bot wan ting Ah deh du. Ah deh farget aal weh don deh bihain mii, ahn Ah deh strien fi get weh deh hed a mi.

2 Peter 3:8

Bot unu, weh dah mi gud fren dem, neva farget seh wan die iina God sait dah siem laik wan thousand yierz, ahn wan thousand yierz dah siem laik wan die.