Luke 18:13 - The New Testament in Islander Creole

¹³ Bot di taks kalekta wende stan op awie iina di bak, ahn neva iivn waahn lif op ihn ai fi luk op dah hevn. Bot ihn biit'op ihn ches fi shuo seh ihn wehn sary fi ihn sin dem, ahn seh, ‘God, gat morsy pan mi, wan sina!’

Luke 18:13 Iomraidhean Croise

Matthew 10:3

Den yo wehn gat: Philip, Bartholomew, Thomas ahn Matthew —di taks kalekta, ahn James —dat dah Alphaeus son. Den Thaddaeus,

Matthew 6:5

“Ahn enytaim unu deh prie, no bii laik how di hipokrit dehn du iina di sinigag ahn lang di kaana dem pan di ruod jos fi di pipl dehn si dem. Ah deh tel unu di chruut: dehn no gwain get no muo priez an weh dehn don gat!

Matthew 9:13

Unu go ahn tink out wat disya Skriptyo miin, ‘Ah waahn morsy, no sakrifais,’ bikaaz mii no kom fi huu tink dehn deh du rait, bot fi dem weh nuo seh dehn hafy ripent a dehn sin.”

Mark 11:25

Ahn enytaim unu deh prie, unu fi paadn fos enybady weh du unu somting rang, ahn den unu Faada iina hevn gwain paadn fi unu sin.

Luke 17:12

Wen ihn wende get nier wan toun, ten man weh gat leprosy kom tu im. Dehn stap faar fahn Jesus ahn hala tu im seh, “Jesus, Tiicha, get sary fi wi no!”

Luke 22:41

Den Jesus gaan wan likl wiez fahn dem —bout az faar az unu wuda chruo wan rak— ahn ihn niil dong ahn prie. Dis dah weh ihn seh:

Luke 23:48

Ahn wen aal di pipl dem weh wende stan op roun deh, si aal weh wende hapm, dehn ton weh ahn gaan huom uova sad.

Luke 5:8

Wen Simon Peter si aal weh wehn hapm, ihn faal dong fronta Jesus ahn seh, “Go weh fahn mi Laad, bikaaz Ah dah wan sinful man!”

Acts 2:37

Now, wen di pipl dem hier dis, dehn wehn shak ahn fiil uova bad. So dehn aks Peter ahn di ada apasl dem, “Bredrin, dah weh wi fi du now?”

Romans 5:8

Bot God shuo wi ho moch ihn lov wii, bikaaz iivn wail wi dah wehn stil yet sina, Jesus Christ ded fi wi!

2 Corinthians 7:11

Luk pipl, how God yuuz di sadnis weh unu wehn fiil sieka aal weh wehn hapm! Dah no dis kain a sadnis mek unu iiga fi pruuv seh unu riily waahn unu haat kliin? Dat dah weh hapm; unu sadnis mek unu beks ahn worid ahn fried. Ih mek unu waahn si di wan weh wehn du dah rang get ponish, ahn ih mek unu kier ahn waahn du evryting fi set tingz striet —weh unu don du!

1 Timothy 1:15

So den, dis mesij weh Ah deh tel unu, dah chruu ahn evrybady shuda biliiv'ih. Dis mesij weh Ah priich seh: “Christ Jesus kom iina di worl fi siev di sina dem!” Ahn Ai shiem fi seh, dat Ah yuuztu bii di wos wan a dem! Ah yuuztu sin muo wosa an enybady els.

Hebrews 4:16

Ahn, bikaaz di Laad dah wan weh ongl kain tu wi ahn mek wi no fried fi kom fronta ihn chruon, rait dehso wi kyan get morsy fahn him, ahn fain gries fi help wi wen wi niid ih!

Hebrews 8:12

Ah gwain fargiv aal di rang tingz weh dehn wende du; Ah no gwain memba dehn sin no muo!”