Luke 18:12 - The New Testament in Islander Creole

¹² Ai du bitout iit two taim fi di wiik, ahn Ah gi'yo ten porsent ah aal di mony weh Ah mek.’

Luke 18:12 Iomraidhean Croise

Matthew 5:20

Bikaaz Ah deh tel unu: if unu no bihiev beta an di tiicha a di Laa ahn di Pharisee pipl dem, unu nontaim gwain get fi go iina di Kingdom a Hevn!

Matthew 6:1

“Wach out, unu no fi du gud tingz fi God jos fi shuo aaf fronta pipl. If unu du dat, weh kain a blesin unu gwain get fahn unu Faada iina hevn? Notn ataal!

Matthew 6:16

“Enytaim unu faas, no mek'op unu fies laik if unu sad laik di hipokrit dehn du. Bikaaz dehn wi put dehn fies laik puor ting fi ada pipl biliiv dehn deh faas. Ah deh tel unu di chruut: dehn no gwain get no muo priez an weh dehn don gat!

Matthew 6:5

“Ahn enytaim unu deh prie, no bii laik how di hipokrit dehn du iina di sinigag ahn lang di kaana dem pan di ruod jos fi di pipl dehn si dem. Ah deh tel unu di chruut: dehn no gwain get no muo priez an weh dehn don gat!

Matthew 9:14

Den som a John disaipl kom tu Jesus ahn aks im seh, “Wai wii —ahn di Pharisee pipl tu— faas plenty, bot fi yo disaipl dehn no faas ataal?”

Luke 11:42

“How haad unu gwain gat'ih, unu Pharisee pipl! Dah chruut unu gi God ten porsent ah aal weh unu gat, iivn dongtu di mint ahn di siiznin bush dem weh unu gat iina unu yaad, bot unu no fier wid pipl ahn unu no gat God lov iina unu haat. Wail ih gud fi gi God ihn ten porsent, unu fi pie main tu di ada impuotant tingz tu.

Luke 17:10

So ih hafy bii wid unu. Wen unu don du aal weh di Laad tel unu fi du, unu fi seh, ‘Wi dah jos aadinary sorvant; wi ongl deh du weh wi hafy du.’ ”

Romans 3:27

So den, weh wi kyan buos bout? Notn ataal. Or, unu seh, “Wii kyan buos, bikaaz wi obie di Laa!” Bot, dah no so! Wii kyaahn seh dat nontaim, bikaaz God dah huu mek wi rait wid ihnself ongl chruu fi wi fiet!

1 Corinthians 1:29

Ahn bikaaz a dis, nonbady kyaahn buos bout notn fronta God.

Galatians 1:14

Ahn Ah yuuztu tek mai Jewish rilijan sirios —muo sirios an eny ada pipl roun mai iej. Ai wehn ongl iiga fi fala aal di ruul ahn regyulieshan dem weh dehn paas dong fahn jinarieshan tu jinarieshan.

Ephesians 2:9

So den, bredrin, unu no gat notn fi buos bout, bikaaz notn no deh weh unu kuda du fi siev unuself.

1 Timothy 4:8

Ih gud fi trien wi bady, bot ih muo beta if wi deh trien wiself fi liv muo ahn muo fi God. Bikaaz dat gwain help iina evry paat a wi laif, ahn iina di laif weh fi kom tu.