Luke 18:1 - The New Testament in Islander Creole

¹ Den Jesus tel dem wan parabl fi shuo dem seh dehn fi aalwiez prie ahn no fi gi'op.

Luke 18:1 Iomraidhean Croise

Luke 11:10

Bikaaz evrybady weh aks, gwain get; dem weh luk, gwain fain weh dehn deh luk fah; ahn dem weh nak pan di duo, ih gwain uopm fi dem.

Luke 21:36

So unu fi gat op unu gyaad aal di taim, ahn prie seh unu gat di strent fi get-weh fahn aal dem tingz weh gwain hapm, ahn di strent fi stan op fronta di Son a Man bitout fried nar shiem.”

Romans 12:12

Sieka di huop weh unu gat, unu fi bii hapy fi weh God gwain du fi unu. Ahn wen unu deh go chruu troblz, unu fi gat pieshens ahn bier'op aanda dem; ahn unu fi prie aal di taim tu!

2 Corinthians 4:1

So den, bredrin, bikaaz God iina ihn morsy gi wi dis speshal work fi du, wi no gwain gi'op nontaim.

Galatians 6:9

So, mek wi no get taiyad deh du weh rait, bikaaz wen di rait taim kom, wi gwain get dah pie weh dah fi wi, if wi no gi'op.

Ephesians 6:18

So, prie aal di taim ahn aks God fi help unu; ahn aks ihn Spirit fi help unu prie. Stie pahn unu gyaad aal di taim ahn neva stap deh prie fi aala God pipl dem!

Philippians 4:6

So, unu no fi wory bout notn, bot unu fi prie ahn aks God fi evryting weh unu niid. Ahn unu fi tank im tu, fi evryting weh ihn don du fi unu.

Colossians 4:12

Epaphras, weh dah fahn fi unu gruup ahn weh deh sorv Christ Jesus, sen ihn griitin tu. Aal di taim ihn deh prie fi unu wid aala ihn haat. Ihn deh prie seh unu gwain neva stap deh chros iina God, ahn dat unu gwain stan strang far im iina evryting, ahn dat unu gwain nuo aal weh ihn waahn unu du, ahn den unu wi du'ih.

Colossians 4:2

Aala unu fi kiip aan deh prie aal di taim. Ahn wen unu prie, nuotis gud weh unu deh seh tu God, ahn no fi farget fi aafa op unu tanks tu im.

1 Thessalonians 5:17

Neva stap prie.