Luke 17:30 - The New Testament in Islander Creole

³⁰ Ih gwain bii jos so pan di die wen di Son a Man kom bak.

Luke 17:30 Iomraidhean Croise

Matthew 16:27

Di Son a Man gwain kom wid ihn ienjel dem iina ihn Faada gluory, ahn ihn gwain gi evrybady wat dehn merit aafa wat dehn don du.

Matthew 24:3

Lieta, wen Jesus wende sidong him wan op pahn Alivz Mountin, di disaipl dem kom op tu im bai dehnself ahn seh, “Tel wi, wentaim demya tingz gwain hapm, ahn wish sain wi gwain si fos so wi kyan nuo seh yu deh kom bak ahn di worl gwain en?”

Matthew 24:37

Jos how tingz wehn hapm iina Noah diez, dah rait so ih gwain bii wen di Son a Man kom bak.

Matthew 24:39

Ahn dehn neva nuo notn til wen di flod kom ahn wash weh aala dem. Dah rait so ih gwain hapm wen di Son a Man kom bak.

Matthew 26:64

Jesus seh tu im, “Dah yu yoself deh seh Ai dah him, bot Ah deh tel unu seh, fahn rait now unu kyan staat luk fi si di Son a Man deh sidong dah di plies a ana saida di Aalmaity. Ahn unu gwain si'im deh kom bak dong iina di kloud fahn hevn.”

Mark 13:26

Den evrybady gwain si di Son a Man deh kom bak iina di kloud dem wid plenty powa ahn gluory.

Luke 17:24

Wen di laitnin flash kraas di skai ahn aalava sodn lait'ih op fahn wan en tu di nada en, dah rait so di Son a Man gwain kom bak, ahn den dehn wi si'im gud.

Luke 17:29

Bot pan di die wen Lot gaan fahn Sodom, faiya ahn solfa kom dong laik rien fahn hevn ahn kil aala dem.

Luke 21:22

bikaaz demde gwain bii di die dem wen God gwain tek rivench jos laik how ih wehn rait dong iina di Skriptyo.

Luke 21:27

Den, dehn gwain si di Son a Man deh kom bak iina wan kloud wid plenty powa ahn gluory.

1 Corinthians 1:7

Ahn bikaaz a dat, unu gat aala di gif dem weh unu niid weh di Holy Spirit gi unu, wail unu deh wiet fi di taim wen di Laad Jesus Christ gwain apier.

1 Corinthians 1:8

Wail dah taim kom, dah him gwain kiip aan deh mek unu strang aal di wie tu di en; so fi God no fain non faalt wid unu pahn Dat Die wen di Laad Jesus Christ kom bak.

Colossians 3:4

Memba seh: di Laad Jesus Christ dah fi wi chruu laif. Ahn so, wen ihn kom bak, aala unu gwain dedeh wid im tu, fi shier iina fi ihn gluory!

2 Thessalonians 1:7

Bot fi unu weh deh sofa now, God gwain tek weh unu sofarin, siem laik ihn gwain tek weh fi wi sofarin tu. Ahn ihn gwain du'ih, wen di Laad Jesus kom bak fahn hevn wid ihn powaful ienjel dem, ahn wid plenty faiya weh deh bliez. Di Laad Jesus gwain bring jojment pahn demya pipl weh no nuo God ahn weh no obie di Gud Nyuuz bout im.

1 Peter 1:13

So den, bredrin, get unu main redy fi akshan ahn kiip unuself aanda kanchruol aal taim. Set unu huop pahn dah speshal gries weh unu gwain get wen Christ kom bak.

1 Peter 1:7

Ahn dehn traiyalz dah fi pruuv seh unu fiet dah di chruu ting. Memba: iivn guol, weh kyaahn laas, dehn tes wid faiya, ahn fi unu fiet wot plenty muo an guol! So unu fiet hafy tes wid faiya, so dat ih kyan laas lang. Den, pahn Dat Die wen Jesus Christ kom bak, unu gwain get priez ahn gluory ahn ana.

1 Peter 4:13

Insida dat, unu fi glad seh, unu deh get di chaans fi shier iina Christ sofarin, bikaaz aftawod unu gwain get di jai fi shier iina ihn gluory tu, wen di taim kom fi dehn shuo ih tu di pipl a disya worl.

1 John 2:28

Ahn now —unu weh dah mi pikniny dem— kantinyo deh bii wan wid Christ so dat, wen di Laad kom bak, unu gwain gat korij fi fies im, ahn unu no gwain hafy fiil shiem ahn haid fahn im pahn Dat Die.

1 John 3:2

Mi dier fren dem, wii dah God pikniny dem, ahn wi kyaahn iivn tink weh wi gwain bii wen Jesus kom bak. Bot wan ting wi nuo, ahn dah dis: wen ihn kom bak, wii gwain bii jos laik him, bikaaz wi gwain si him jos laik how him stie.

Revelation 1:7

Ah deh tel unu seh Jesus gwain kom iina di kloud dem, ahn di pipl dem fahn aal di nieshan iina di worl gwain si'im —iivn dem weh straik im iina ihn said wid wan lans! Dehn gwain muon ahn hala fi weh dehn du im. Dah so ih gwain bii. Amen!