Luke 17:22 - The New Testament in Islander Creole

²² Den Jesus seh tu ihn disaipl dem, “Di die gwain kom wen unu gwain lang fi spen iivn wan die wid di Son a Man, bot unu gwain kyaahn du'ih.

Luke 17:22 Iomraidhean Croise

Matthew 9:15

Jesus ansa dem seh, “How unu espek di pipl weh go dah wan wedn paaty fi fiil bad? Dehn no gwain du dat nontaim so langs di man weh gwain marid dedeh wid dem, no chruut? Bot di die gwain kom wen dehn tek weh di man weh gwain marid fahn dem, ahn den ihn fren dem no gwain iit; dehn gwain ongl faas.

Mark 2:20

Bot di die gwain kom wen dehn tek weh di man weh gwain marid fahn dem, ahn den ihn fren dem no gwain iit; dehn gwain ongl faas.

Luke 13:35

Lisn! God no deh iina unu sity no muo; unu deh pan unu uon. Ah deh tel unu: unu no gwain si mi agen til di taim kom wen unu seh, ‘Bles dah di Wan weh kom iina di Laad niem.’ ”

Luke 5:35

Bot di taim gwain kom wen dehn tek weh di man weh gwain marid fahn dem, ahn den ihn fren dem no gwain iit; dehn gwain ongl faas.”

John 12:35

Jesus tel dem, “Di Wan weh dah di Lait ongl deh wid unu wan likl wail langa. So unu fi waak iina di lait wail unu stil gat di Lait, bifuor di daaknis kom dong pahn unu, bikaaz enybady weh waak iina di daak no nuo weh paat him gwain.

John 13:33

“Uo mi pikniny, Ah gwain deh wid unu ongl wan likl bit langa. Ahn unu gwain luk fi mi, ahn jos laik Ah wehn tel di Jewish liida dem, so Ah deh tel unu: Weh paat Ah gwain, unu gwain kyaahn kom.