Luke 16:24 - The New Testament in Islander Creole

²⁴ Ihn hala out, ‘Faada Abraham! Gat morsy pan mi no! Sen Lazarus fi dip ihn finga hed iina waata ahn kom kuul dong mi tong; Ah deh sofa plenty iina disya faiya!’

Luke 16:24 Iomraidhean Croise

Matthew 25:41

“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!

Matthew 3:9

Ahn no bada tink iina unu haat seh, ‘Wii dah paat a Abraham famaly, so wi gud nof aredy!’ Mek Ah tel unu: God kyan mek pikniny outa demya rak ahn ton dem iina Abraham famaly!

Matthew 5:22

Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Luke 16:30

Di rich man seh, ‘Nuo, Faada Abraham, bot if sombady weh riez bak fahn di ded, go tu dem, dehn gwain ripent fi chruut.’

Luke 19:9

Jesus ansa im seh, “Tudeh rait yah iina disa hous wan nada man ahn ihn famaly get siev. Zacchaeus dah wan a Abraham son fi chruut, bikaaz ihn chros iina God jos laik wi ansesta dem yuuztu du.

Luke 3:8

Fos du di tingz weh shuo seh unu stap sin. Ahn no bada tink iina unu haat seh, ‘Wii dah paat a Abraham famaly, so wi gud aredy!’ Mek Ah tel unu, God kyan mek pikniny outa demya rak ahn ton dem iina Abraham famaly!

John 4:10

Jesus tel im, “If yuu wehn ongl nuo di gif weh God kyan gi'yo, ahn if yo wehn nuo dah huu dis deh aks yo fi waata, den yu wuda aks him fi waata, ahn ihn wuda gi'yo di kain a waata weh kyan gi'yo riil laif.”

John 4:14

Bot dem weh jrink fahn di waata weh Ah gwain gi dem, no gwain get torsty agen. Di waata weh Ah gwain gi dem gwain deh stuor op iina dehn haat jos laik dem waata spring weh paat di waata neva stap ron. Ahn dis waata gwain mek dem liv gud wid God fareva.”

John 7:37

Pahn di laas die a di selibrieshan weh dah wehn di bigis die, Jesus stan op ahn ihn baal out haad: “Enybady weh torsty, mek ihn kom tu mi ahn jrink!

Romans 4:12

Ahn Abraham dah di pupa fi aala dem Jewish pipl tu, weh wehn get sorkomsaiz ahn chros God, ahn weh waak iina fiet, jos laik how Abraham wehn chros God ahn waak iina fiet bifuor ihn get sorkomsaiz.

James 2:13

Bikaaz enybady weh no gat non morsy, God gwain joj dem bitout morsy, bikaaz morsy aalwiez biit jojment!

James 3:6

Unu main: di tong dah wan faiya tu! Ih deh rait deh mongs di ada paats a di bady, bot ih ful'op a wikidnis weh kyan mes'op di huol a wan porsn, ahn kaaz wan bliez weh kyan distrai di huol a dehn laif! Ahn ih get dah faiya striet fahn hel!

Revelation 19:20

Bot dehn kech di biis ahn di faals prafit. Him dah di wan weh wehn du dehn mirakl fronta di biis. Wid demya mirakl ihn wehn fuul'op di pipl weh wehn gat di maak fahn di biis ahn weh wehn waaship ihn statyo. Ahn dehn pich di biis ahn di Faals Prafit alaiv iina wan liek wid faiya weh deh bon wid solfa.

Revelation 20:15

Ahn enybady weh dehn niem neva rait dong iina di Buk a Laif wehn get chruo iina di liek a faiya!

Revelation 22:1

Den, di ienjel shuo mi di Riva weh gi Laif wid di waata weh deh ron. Ih wende shain brait ahn klier-klier jos laik kristal glaas, ahn ih deh kom fahn outa di chruon a God ahn di Lam.