Luke 16:22 - The New Testament in Islander Creole

²² “Wel, ih hapm seh di puor man ded, ahn di ienjel dem ker im saida Abraham. Den di rich man ded tu, ahn dehn ber im.

Luke 16:22 Iomraidhean Croise

Matthew 18:10

“Mek shuor seh unu no luk dong pahn wan a demya likl wan laik dem weh no impuotant, bikaaz Ah deh tel unu di chruut: Op iina hevn fi dem ienjel aalwiez deh luk pahn di fies a mi Faada weh dedeh.

Matthew 24:31

Ahn ihn gwain sen out ihn ienjel dem wid wan big trompit ahn dehn gwain gyada tugeda dem weh God don chuuz fahn aal uova di worl, fahn wan en tu di ada en.

Matthew 8:11

Fi chruut, plenty pipl weh dah no Jew gwain kom fahn iis ahn wes, ahn dehn gwain sidong fi iit wid fi wi ansesta Abraham, Isaac, ahn Jacob iina di Kingdom a Hevn.

Mark 8:36

Wat wan man gwain get if ihn win di huol worl, ahn den ihn luuz ihn uon suol?

Luke 12:20

Bot God seh tu im, ‘Yo fuul yo! Tinait yuu gwain ded. Den dah huu gwain injai aal demde tingz weh yo put'op fi yoself?’ ”

Luke 16:21

Di puor man wehn so hongry ihn wehn iivn lang fi iit weh drap fahn aafa di rich man tiebl. Dongtu di daag dem wehn yuuztu kom ahn lik di bega suor dem.

John 1:18

Nonbady neva si God yet; wi ongl nuo im chruu ihn ongli'is Son weh deh nier tu di Faada. Dah him mek wi nuo how God di Faada stan.

John 13:23

Now, di disaipl —di wan weh ihn wehn lov— wende liin aan pahn Jesus.

John 21:20

Peter ton roun ahn si wan disaipl —di wan weh Jesus wehn lov— deh fala dem; dat dah wehn di siem wan weh wehn jraa op nier tu Jesus wen dehn wende iit sopa tugeda ahn aks im, “Laad, dah huu gwain sel yu out?”

Hebrews 1:14

Unu si seh di ienjel dem dah spirit ahn dehn dedeh fi sorv God. God deh sen dem fi help di pipl dem weh him gwain siev.

Hebrews 2:14

So den, jos laik how di pikniny dem dah flesh ahn blod, Jesus baan iina di worl laik flesh ahn blod tu. Di chruut dah seh, dah ongl laik wan hyuuman ihn kuda wehn ded. Ahn ongl chruu deh ded, ihn kuda distrai di devl weh yuuztu gat powa uova det.

James 1:11

Di son kom op wid plenty hiit ahn wida di plaant, ahn di flowaz dem jrap aaf, ahn dehn no luk prity agen. Dah rait so di rich man gwain fied-weh ahn disapier, iivn wail ihn deh ten tu ihn bizniz.

1 Peter 2:24

Ahn Christ himself ker fi wi sin dem iina fi ihn bady pahn di kraas, so dat wi kuda ded tu sin ahn liv fi weh rait. Dah chruu di kot ahn di bruuz dem weh ihn wehn sofa fi wi, wii kyan get hiil.

Revelation 14:13

Den, Ah hier wan vais fahn hevn seh, “Rait dong weh Ah deh tel yu now. Fahn yah go bak, God gwain bles aal demde pipl weh ded ahn weh wehn fala di Laad!” Ahn di Spirit ansa seh, “Dat dah chruut. Dehn gwain res now fahn dehn haad work. Dehn gwain get wan pie fi aal di gud tingz weh dehn du.”