Luke 16:17 - The New Testament in Islander Creole

¹⁷ Bot dat no miin seh Moses Laa no impuotant agen. Ih muo iiziya fi hevn ahn ort disapier, an fi don weh wid di smaalis spek iina di Laa!

Luke 16:17 Iomraidhean Croise

Matthew 5:18

Bikaaz Ah deh tel unu di chruut: til hevn ahn ort no disapier, nat iivn wan a di smaalis spek gwain don weh wid outa di Laa, til evryting God waahn du chruu'ih, don hapm.

Luke 21:33

Disya hevn ahn ort gwain don weh wid, bot aal weh Ai deh tel unu gwain kantinyo fareva.

Romans 3:31

Bot dat miin seh wii deh seh di Laa no wot notn tu wi den, bikaaz wi chros iina Jesus? Nuo sah, nat ataal! Wi no gwain shub di Laa wan-said nontaim. Insida dat, wi shuo seh di Laa stil yet impuotant!

1 Peter 1:25

Bot di Wod a di Laad gwain laas fareva!” Ahn dat Wod dah di Gud Nyuuz weh dehn priich tu unu!

2 Peter 3:10

God gwain kom bak wen nonbady espek'ih ataal, jos laik wen wan tiif deh kom iina wan hous. Ahn wen Dat Die kom, wi gwain hier wan big loud naiz ahn di skai no gwain dedeh no muo! God gwain mek evry likl ting weh iin deh, bon'op ahn disapier! Ihn gwain joj di ort ahn aal wehn deh iina it!

Revelation 20:11

Den, Ah si wan big wait chruon ahn di Wan weh wende sidong pan ih. Ahn di ort ahn di skai jos disapier fahn fronta dah Wan pahn di chruon, ahn nonbady neva si dem no muo!

Revelation 21:1

Afta dat, Ah si wan nyuu hevn ahn wan nyuu ort, bikaaz di hevn ahn di ort weh wehn dedeh fos, don disapier. Ahn di sii don disapier tu!

Revelation 21:4

Ihn gwain waip weh aala dehn ai-waata fahn dehn ai. Ahn dehn no gwain ded no muo, nar sofa, nar krai, nar fiil non pien no muo. Bikaaz aala demde tingz don paas ahn gaan fareva!”