Luke 15:6 - The New Testament in Islander Creole

⁶ Den, wen ihn get huom, ihn gwain kaal aal ihn fren ahn nieba dem ahn tel dem, ‘Mek wi selibriet, bikaaz Ah fain mi shiip weh wehn laas.’

Luke 15:6 Iomraidhean Croise

Luke 1:58

Elizabeth nieba ahn famaly dem hier how di Laad wehn bles im, ahn aala dem wehn glad bout'ih tu.

Luke 15:10

Iina di siem wie, God ienjel dem uova glad wen wan sina ton tu God.”

Luke 15:24

Dis dah mi son weh wi wehn tink wehn ded, bot ihn kom bak tu laif! Ihn wehn laas, bot now ihn kom bak tu mi.’ So dehn staat selibriet.

Luke 15:5

Ahn wen ihn fain ih, ihn gwain so glad so ihn gwain put'ih pan ihn shuolda ahn go huom.

Luke 15:7

Dah di siem wie —Ah deh tel unu— muo hapinis deh iina hevn uova wan sina weh ton tu God, an uova ninety-nine pipl weh no niid fi chienj.

John 15:14

Unu dah mi chruu fren dem if unu du weh Ah tel unu fi du.

John 3:29

Di gruum —di man weh deh get marid— dah di wan weh gat di braid. Di gruum fren jos dedeh deh lisn, ahn ihn get uova hapy wen ihn hier di gruum vais. Wel, dah di siem wie wid mii; dat dah wai Ah so glad.

Acts 11:23

Wen Barnabas get dehso ahn si how God wende bles di pipl dem, ihn wehn uova glad ahn ihn inkorij di biliiva dem fi stie nier di Laad no mata wat hapm!

Acts 15:3

So, di chorch sen dem aaf ahn dehn staat travl chruu Phoenicia ahn Samaria lan. Ahn lang di wie dehn tel di biliiva dem iina diitiel di nyuuz bout how di Gentile pipl dem wende get siev tu. Ahn di bredrin dem wehn laik hier dis plenty.

Philippians 1:4

Ahn Ah aalwiez fiil gud evry taim Ah deh prie fi unu,

Philippians 2:17

Sieka unu fiet, unu deh sofa fi sorv God. Ahn mieby Ai gwain hafy sakrifais mi uon laif pahn tapa aal weh unu deh du fi di Laad. Bot iivn if dat hapm, Ah gwain ongl glad, ahn Ah deh shier dah jai wid aala unu.

Philippians 4:1

Ahn so bredrin, unu weh Ah lov so moch, Ah ongl waahn deh wid unu. Unu wehn mek Ah fiil so gud ahn mek Ah so proud a unu. Ahn bikaaz unu dah wan wid di Laad, dat dah how unu niid fi stan op strang evry die, unu mi gud fren dem.

1 Thessalonians 2:19

Aftaraal, wen di Laad Jesus kom, dah huu gwain mek wi fiil gud bot unu? Unu dah wai wii kyan buos. Unu dah fi wi huop; unu gi wii jai; ahn unu gwain bii laik wan kroun a gluory fi wii wen wi stan tugeda fronta di Laad Jesus wen ihn kom bak.

1 Peter 2:10

Wan taim wehn deh, wen unu dah neva nonbady; bot now unu dah God pipl dem! Wan taim nonbady neva shuo unu morsy; bot now God shuo unu morsy!

1 Peter 2:25

Unu dah wehn laik shiip weh laas dehn wie, bot now unu kom bak tu di Wan weh dah unu Shepad ahn weh protek unu suol!