Luke 15:2 - The New Testament in Islander Creole

² Ahn som Pharisee ahn di tiicha a di Laa dem wende komplien ahn maama seh, “Bot how ihn kyan stan fi miks'op wid demde kain a pipl; ihn iivn iit wid di sina dem.”

Luke 15:2 Iomraidhean Croise

Matthew 11:19

Now di Son a Man kom deh iit ahn drink, ahn pipl seh, ‘Luk how ihn krievn, ahn ihn dah wan jronkin man, ahn ihn fren op wid taks kalekta ahn som ada sina.’ Bot Ai seh tu unu: dem weh liv dehn laif bai God wizdom shuo seh fi him wizdom dah riily chruu.”

Matthew 9:11

Wen di Pharisee pipl si wat wende hapm, dehn komplien tu Jesus disaipl ahn aks dem seh, “Bot how fi unu tiicha kyan stan fi iit wid demde kain a pipl?”

Luke 15:3

So Jesus tel dem dis parabl; ihn seh:

Luke 19:7

Wen di pipl dem si dis, dehn staat grombl ahn seh, “Ihn gaan, gaan stie dah wan sina hous.”

Luke 5:30

Bot wen di Pharisee ahn di tiicha a di Laa iina dehn gruup si dem deh iit wid di taks kalekta ahn di sina dem, dehn komplien tu Jesus disaipl dem, ahn aks dem seh, “Bot how unu kyan stan fi iit ahn drink wid demde kain a pipl?”

Luke 7:34

Now di Son a Man kom deh iit ahn drink, ahn unu seh, ‘Luk how ihn krievn, ahn ihn dah wan jronkin man; ahn ihn fren op wid taks kalekta ahn som ada sina.’

Luke 7:39

Wen di Pharisee weh wehn invait Jesus si dis, ihn seh tu imself, “If dis man dah wehn wan prafit fi chruut, ihn wuda wehn nuo seh di uman weh deh toch im deh liv iina plenty sin!”

Acts 11:3

Dehn tel im seh, “Yuu gaan iina dehn pipl hous weh no sorkomsaiz, ahn iivn iit dah dehn tiebl!”

Galatians 2:12

Him wende iit kwait gud wid di Gentile Kristyan dem, bot az suun az som man —weh James wehn sen— kom op deh, Peter haal bak ahn neva waahn iit wid di Gentile pipl dem agen! Ihn du dat, bikaaz ihn wehn fried fi weh demde pipl, weh waahn seh wii biliiv seh di Jew dem no fi brok bred wid demde pipl weh no sorkomsaiz!

1 Timothy 1:15

So den, dis mesij weh Ah deh tel unu, dah chruu ahn evrybady shuda biliiv'ih. Dis mesij weh Ah priich seh: “Christ Jesus kom iina di worl fi siev di sina dem!” Ahn Ai shiem fi seh, dat Ah yuuztu bii di wos wan a dem! Ah yuuztu sin muo wosa an enybady els.