Luke 15:17 - The New Testament in Islander Creole

¹⁷ Lieta ihn kech ihn hed ahn seh, ‘Dongtu mi pupa sorvant dem gat plenty fuud fi iit, ahn mi deh yahso deh ded fi hongry.

Luke 15:17 Iomraidhean Croise

Luke 15:16

Di bwai get so hongry til ihn wende tink fi iit di hag fiidn, bikaaz nonbady neva gi'im notn els.

Luke 16:23

Bot di rich man gaan dah hel weh ihn wende sofa plenty. Ihn luk op iina hevn ahn ihn si Abraham wid Lazarus saida him.

Luke 8:35

So di pipl dehn gaan si fi demself wat wehn hapm. Wen dehn get weh paat Jesus wende, dehn si di man weh wehn gat iin di paila bad spirit dem, deh sidong dah Jesus fut. Ihn wehn dres op, ahn iina ihn ful sens, ahn dehn get fried.

Acts 12:11

Dah den Peter kom tu ihnself ahn seh, “Now Ah nuo seh dis dah no wan driim, bot ih hapm fi chruut! Di Laad sen wan a ihn ienjel fi reskyu mi fahn Herod powa ahn fahn evryting weh di Jewish liida dem wehn waahn fi hapm tu mi.”

Acts 2:37

Now, wen di pipl dem hier dis, dehn wehn shak ahn fiil uova bad. So dehn aks Peter ahn di ada apasl dem, “Bredrin, dah weh wi fi du now?”

Ephesians 5:14

Bikaaz dah lait, dah weh mek evryting klier fi si. Ahn dat dah wai di Skriptyo seh: “Unu weh deh sliip, wiek'op! Get'op fahn mongs di ded pipl dem! Ahn Christ gwain shain pahn unu.”