Luke 14:15 - The New Testament in Islander Creole

¹⁵ Wen wan a di man dem weh wende sidong roun di tiebl hier dis, ihn seh, “Ih dah wan blesin fi dem weh gwain iit iina di bankwet weh God gwain gat iina ihn Kingdom!”

Luke 14:15 Iomraidhean Croise

Matthew 25:10

So wail dehn gaan bai'ih, di man weh gwain get marid kom ahn dem weh wehn redy gaan iin wid im dah di wedn paaty, ahn dehn shet di duo.

Matthew 8:11

Fi chruut, plenty pipl weh dah no Jew gwain kom fahn iis ahn wes, ahn dehn gwain sidong fi iit wid fi wi ansesta Abraham, Isaac, ahn Jacob iina di Kingdom a Hevn.

Luke 12:37

Ih gwain gud fi dem, wen di maasta fain dem redy deh wiet fi wen ihn kom bak. Ah deh tel unu: di maasta gwain put aan wan iepran ahn mek dem sidong fi iit, ahn sorv dem ihnself.

Luke 13:29

Pipl gwain kom fahn iis ahn wes, ahn naat ahn sout, ahn gwain tek dehn plies iina di fiis iina God Kingdom.

Luke 22:16

Bikaaz, Ah deh tel unu: Ah no gwain iit'ih agen til di huol miinin a di Paasuova kom chruu, wen God taim kom fi ruul.”

Luke 22:30

Unu gwain iit ahn drink roun di tiebl wid mii iina mi Kingdom, ahn unu gwain sidong pahn chruon fi joj di twelve traib a Israel.

Revelation 19:9

Den, di ienjel tel mi seh, “Rait dis dong: God bles demde pipl fi chruut weh ihn invait fi go iit dah di wedn fiis fi di Lam.” Den ihn tel mi seh, “Demya wod dah di chruu wod weh God seh.”