Luke 14:13 - The New Testament in Islander Creole

¹³ Bot wen yo gat wan bankwet, invait dem weh puor ahn weh kripl, ahn dem weh liem ahn weh blain.

Luke 14:13 Iomraidhean Croise

Matthew 15:30

Ahn wan paila pipl kom upaa ihn wende, deh ker dem weh wehn sik: kripl pipl, blain pipl, dem weh kudn taak, ahn plenty muo. Dehn put dem rait dah Jesus fut, ahn Jesus kyuor aala dem!

Matthew 22:10

So di sorvant dehn gaan out pahn di ruod ahn invait aal di pipl dem weh dehn fain. Dehn invait evrybady —gud pipl ahn bad di siem wie— ahn di wedn wehn pak'op wid aal di pipl weh dehn wehn invait.

Luke 11:41

Dah wen unu shier wid di pipl dem weh gat muo niid, dat dah wen unu haat riily kliin.

Luke 14:12

Den Jesus ton tu di man weh invait im ahn seh, “Wen yo gat wan speshal lonch or bankwet, no invait yo fren dem, nar yo breda, nar yo famaly or yo rich nieba dem; jos bikaaz dehn kyan invait yo bak dah fi dem hous, ahn so yo tink seh dah so dehn deh pie yo bak.

Luke 14:14

Den God gwain bles yo, bikaaz yo invait dem weh kudn pie yo bak. Yo gwain get yo pie wen dem weh raichos kom bak tu laif.”

Luke 14:21

“Di sorvant kom bak ahn tel ihn maasta weh di pipl dem wehn seh. Ihn maasta get so beks, ihn seh, ‘Mikies, go bak out pan di big ruod ahn di trak ruod dem iina di sity, ahn invait aal di puor pipl dem —dem weh kripl, dem weh liem, ahn dem weh blain.’

Acts 9:39

So Peter kom wid dem ahn wen ihn get deh, dehn ker im opstiez dah di ruum. Ahn wen ihn gaan iinsaid, di ruum wehn ful'op a som wido weh wende muon ahn hala. Wen dehn si Peter, dehn kom roun im ahn shuo im di difrent kain a kluoz weh Dorcus yuuztu mek wen ihn wehn alaiv.

1 Timothy 3:2

Bot wan chorch liida hafy liv so dat nonbady no gwain gat non gud riizn fi fain faalt wid im. Ihn fi gat jos wan waif; ihn fi bii wan rispektabl porsn weh kyan kanchruol himself; ahn ihn fi gat manaz, so dat di pipl dem gwain luk'op tu im. Ihn fi uopm ihn hous tu strienja ahn welkom dem, ahn ihn fi nuo how fi tiich gud tu.

1 Timothy 5:10

Pan tapa dat, di pipl dem hafy nuo disya wido fi di gud tingz weh shii deh du. Ihn fi bii wan uman weh wehn riez'op ihn pikniny dem rait, ahn weh yuuztu welkom pipl iina ihn hous, ahn weh yuuztu wash di fut dem a God pipl dem, ahn help demya pipl weh deh sofa tu. Ihn fi bii wan uman weh wehn du plenty gud ting aal di taim.

Titus 1:8

Bot, dem fi uopm dehn hous tu strienja ahn mek dem fiil gud. Ahn dehn fi lov di tingz dem weh rait. Dehn fi bii sensabl ahn fier; dehn laif niid fi bii kliin tu, ahn dehn niid fi kanchruol demself.

Philemon 1:7

Mi dier breda, di lov weh yu gat ongl mek mi hapy, ahn ih inkorij mi plenty. Ahn ih mek aala God pipl dem hapy iina dehn haat tu.

Hebrews 13:2

Ahn no farget fi welkom di strienja dem iina unu hous, bikaaz dehn wehn gat som pipl weh wehn du dat, ahn lietaraan kom fi fain out seh dehn strienja kom fi bii som ienjel —ahn nonbady iina di hous wehn neva nuo ih!