Luke 13:25 - The New Testament in Islander Creole

²⁵ Wen di uona a di hous get'op ahn lak di duo, ih gwain tuu liet. Ahn den, dem weh neva get iin, gwain deh stan op outa duo deh nak ahn deh beg, ‘Laad, uopm di duo fi wi no!’ Bot ihn gwain ansa dem seh, ‘Ah neva nuo unu, nar weh unu kom fram ataal.’

Luke 13:25 Iomraidhean Croise

Matthew 25:41

“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!

Luke 13:27

Bot di uona a di hous gwain seh, ‘Ah tel unu aredy seh: Ah neva nuo unu, nar weh unu kom fram. Golang faar fahn upaa Ah deh, aala unu bad pipl!’

Luke 3:8

Fos du di tingz weh shuo seh unu stap sin. Ahn no bada tink iina unu haat seh, ‘Wii dah paat a Abraham famaly, so wi gud aredy!’ Mek Ah tel unu, God kyan mek pikniny outa demya rak ahn ton dem iina Abraham famaly!

Luke 6:46

“Wai unu deh kaal mi, ‘Laad, Laad,’ wen unu no deh du weh Ah tel unu fi du?

2 Corinthians 6:2

Bikaaz God seh: “Wen di rait taim wehn kom, Ah wehn lisn tu yu, ahn wen di die fi siev yu wehn kom, Ah wehn help yu.” Lisn tu mii, pipl! Now dah di rait taim fi get God gries. Tudeh dah di die fi mek him siev unu!

Hebrews 12:17

Ahn unu memba seh: aftawod ihn wehn waahn demde raits bak —bikaaz ihn wehn waahn ihn pupa blesin— bot notn neva deh weh Esau kuda wehn du iivn duo ihn baal ahn baal, ahn beg ihn pupa. Non amount a sary neva work fi him; ih wehn tuu liet!