Luke 12:56 - The New Testament in Islander Creole

⁵⁶ Unu hipokrit! Unu nuo how fi tel di weda bai di luk a di tingz dem weh hapm pan di ort ahn iina di skai. So den, wai unu kyaahn andastan di tingz dem weh shuo weh God deh du rait now?

Luke 12:56 Iomraidhean Croise

Matthew 11:25

Iina dah siem taim Jesus seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl.

Matthew 16:3

Bot wen di skai uova daak iina di maanin, unu seh, ‘Ih daak op, ahn gwain rien!’ Unu nuo how fi tel di weda bai deh luk pan di tingz dem weh hapm iina di skai, bot unu rifyuuz fi andastan di tingz dem weh shuo weh God deh du rait now.

Matthew 6:2

“So enytaim unu deh gi somting tu di puor pipl dem, du'ih fahn unu haat, ahn no du'ih laik how di hipokrit dehn du weh mek wan paila naiz iina di sinigag ahn pan di ruod jos fi di pipl dehn si weh dehn gwain du ahn priez dem. Ah deh tel unu di chruut: dehn no gwain get no muo priez an weh dehn don gat!

Galatians 4:4

Bot wen di rait taim kom, God sen ihn Son, ahn dah wehn wan uman baan him. Ahn wen ihn wende gruo'op, ihn wehn hafy obie di Laa tu,