Luke 12:48 - The New Testament in Islander Creole

⁴⁸ Bot di sorvant weh du somting rang, bikaaz ihn neva nuo weh ihn maasta wehn waahn ihn fi du, ongl gwain get wan likl biitn. Ahn if di Laad gi'yo plenty, ihn gwain espek bak plenty fahn yo, ahn di muo ihn gi'yo, di muo ihn gwain espek bak fahn yo tu.

Luke 12:48 Iomraidhean Croise

Matthew 13:12

Bikaaz di man weh hier ahn biliiv dis mesij, ihn gwain andastan muo ahn muo; bot di man weh hier ahn no biliiv, dongtu di likl bit weh ihn hier, God gwain tek weh fahn im.

Matthew 23:14

[How haad unu gwain gat'ih, unu tiicha a di Laa ahn Pharisee pipl, unu hipokrit! Unu laik tek uova di hous fi di puor uman dem weh dehn hozban ded. Bot stil yet unu ton roun ahn waahn shuo aaf wid lang prayaz. Fi dat unu gwain get muo ponishment fi di bad tingz weh unu du!]

Luke 12:41

Peter aks im, “Laad, dis parabl dah jos fi wii or fi evrybady?”

Luke 12:49

“Laik wan man weh lait wan big faiya pan di ort, Ah kom fi separiet di gud fahn di bad pan ih. Ahn Ah wish ih wuda wehn staat aredy.

Luke 16:2

So di rich man sen gaan kaal di man ahn aks im, ‘Dah wada Ah deh hier bout yo? Gi mi wan akount ah aal weh yo du fi mi, bikaaz yuu kyaahn work laik mi manija no muo.’

John 15:22

Yu si, if Ah neva kom ahn priich tu dem, den dehn neva wehn gwain gilty a notn ataal, bot now dehn no gat non ekskyuus fi dehn sin.

Acts 17:30

Fahn lang taim abak til now God talariet wi ignaransy, bot now ihn komaan aala wi fi put-weh wi aidal dem, ahn waaship ongl him wan.

1 Timothy 1:11

Dis chruu tiichin dah paat a di wandaful Gud Nyuuz weh wi blesed God gi mi fi Ah go tel evrybady.

1 Timothy 1:13

Iivn duo Ai yuuztu insolt God, ahn Ah yuuztu ongl bii kruwil ahn mek ihn pipl dem sofa plenty; stil yet, Christ gat morsy pahn mi, bikaaz Ah neva wehn nuo beta, ahn bikaaz Ah neva chros iina Christ demde taim.

1 Timothy 6:20

Uo, Timothy, kiip sief dat weh God don chros yu fi tek kier ah. Ahn no gat notn fi du wid demde kain a taak weh no gat notn fi du wid God. Ton weh fahn dehn tiichin weh no grii wid God, weh som pipl kaal “nalij,” bot dat dah no so!

Titus 1:3

Ahn den wen di rait taim kom, fi wi Sievya God gi mi dis Gud Nyuuz ahn komaan mi fi go, go priich'ih tu evrybady.

James 3:1

Bredrin, plenty a unu shudn trai fi bii tiicha, bikaaz unu nuo seh God gwain joj aala wi weh deh tiich muo haada an evrybady els!