Luke 12:4 - The New Testament in Islander Creole

⁴ “Ah deh tel unu, mi fren: no fried a huu kyan kil unu bady, bikaaz afta dat dehn kyaahn du unu notn els.

Luke 12:4 Iomraidhean Croise

Matthew 10:28

No fried a huu kyan kil unu bady, bot kyaahn kil di suol. Beta yo fried fi God huu kyan distrai di bady ahn di suol iina hel.

John 15:13

Di bes wie wan man kyan shuo ihn fren dem seh ihn lov dem dah fi gi ihn laif fi dem.

Acts 20:24

Bot fi mi laif no wot notn ataal les Ah yuuz ih fi don du di work weh di Laad Jesus wehn gi mi fi du —dat dah fi tel evrybady di gud nyuuz bout di kainis ahn lov weh God gat fi pipl.

Acts 4:13

Wen di liida dem si how Peter ahn John dah wehn jos aadinary ahn on'edyukietid pipl —bot neva fried fi dem ataal— di liida dehn wehn sopraiz ahn staat riiyalaiz seh dehn wehn yuuztu deh wid Jesus.

Philippians 1:28

So, unu no fi fried ataal fi demya pipl weh deh fait gens unu. Dis dah wan sain fi aala dem seh dehn don duum fi distrokshan, bot God don put unu wan-said fi siev unu!

James 2:23

So den, weh di Skriptyo seh wehn kom chruu, weh ih seh, “Abraham wehn chros God, ahn God aksep im laik wan raichos man.” Ahn so, dehn wehn kaal Abraham, “God fren!”

1 Peter 3:14

Bot iivn if unu sofa wen unu deh du gud, unu hapy, bikaaz God gwain bles unu far ih! So den, no fried fi nonbady; nar unu fi dedeh deh wory bout weh dehn maita du tu unu.

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!