Luke 12:33 - The New Testament in Islander Creole

³³ Sel aal weh unu gat ahn gi di puor dem di mony, ahn unu gwain get mony bag weh no gwain wier out. Put unu richiz iina hevn weh paat ih no gwain don, ahn weh non tiif kyaahn kom nier dem ahn non wud-lais kyaahn distrai niida,

Luke 12:33 Iomraidhean Croise

Matthew 19:21

Jesus ansa im, “If yo waahn bii uova gud iina evrywie, golang ahn sel weh yo gat ahn gi di puor pipl dem di mony; den yo gwain get wan paila trezha iina hevn. Afta dat, kom ahn fala mi.”

Luke 11:41

Dah wen unu shier wid di pipl dem weh gat muo niid, dat dah wen unu haat riily kliin.

Luke 12:21

Den Jesus seh tu dem, “Dis dah weh gwain hapm tu enybady weh put'op richiz fi demself pan ort, bot no pie no main tu di richiz weh kom fahn God.”

Luke 16:9

Den Jesus kantinyo ahn seh, “Ah deh tel unu dis: unu mony no gwain laas fareva, so yuuz wateva unu gat pan dis ort fi bii wan gud fren tu pipl, ahn wen unu mony don, God gwain glad fi risiiv unu op iina hevn.

Luke 18:22

Afta Jesus hier im, ihn seh, “Yo stil gat wan ting muo fi du: Golang ahn sel aal weh yo gat ahn gi di puor dem di mony; den yo gwain get wan paila trezha iina hevn. Afta dat, kom ahn fala mi.”

John 12:6

Bot ihn neva seh dis bikaaz ihn wehn kier bout di puor pipl dem; dah bikaaz ihn dah wehn wan tiif. Him wehn main di mony bag fi di ada disaipl dem ahn ihn wehn stie deh dip ihn han iina ih.

Acts 2:45

Laik dehn staat sel dehn lan ahn ada tingz weh dehn wehn uon, ahn dehn gi di mony weh dehn get fahn ih tu aala dem weh wehn niid ih.

2 Corinthians 8:2

Dehn wende go chruu plenty trobl ahn haad taim, bot stil yet dehn wehn wilin fi gi wan aafrin iivn duo dehn wehn so puor dehnself —ahn now di jai weh dehn wehn gat wende ron uova plenty!