Luke 12:32 - The New Testament in Islander Creole

³² “No fried, mi fren; alduo unu dah ongl wan likl gruup weh deh fala mi, unu Faada glad fi gi unu di Kingdom.

Luke 12:32 Iomraidhean Croise

Matthew 14:27

Siem taim Jesus tel dem, “No wory. Dah mii, Jesus; unu no hafy fried!”

Matthew 20:16

Den Jesus seh tu dem, “Dah iina dah siem wie, di laas wan dem gwain bii di fos, ahn di fos gwain bii di laas.”

Matthew 25:34

Den di king gwain seh tu dem pahn di rait, ‘Kom, unu weh mi Faada wehn bles; kom get di Kingdom weh di Laad pripier fi unu fahn wen ihn fos mek di worl.

Matthew 7:15

“Luk out fi di faals prafit dem weh kom tu yo deh luk gud dres op, bot iina dehn haat dehn jos laik wan kraas wulf.

Luke 10:21

Siem taim, Jesus get ful'op wid jai fahn di Holy Spirit ahn ihn seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl. Yees Faada, bikaaz yo wehn glad fi du'ih dis wie.”

John 18:36

Jesus seh, “Ah no ruul laik dem king weh deh ruul pahn dis ort. If Ah wehn stan laik dem, den fi mi falowa dem wehn gwain fait fi mek dem no han mi uova tu di Jewish liida dem. Bot mi kingdom dah no pan dis ort.”

Acts 20:28

Now unu hafy wach out gud, ahn mek shuor seh unu tek kier a unuself ahn di biliiva dem weh di Holy Spirit put unu uova laik shepad. Demya pipl dah di chorch weh Jesus bai wid fi him uon blod.

Acts 20:29

Ah nuo seh, az suun az Ah gaan, di faals tiicha dem gwain kom iin laik wail wulf fi distrai unu fiet.

Romans 6:23

Bikaaz di pie weh sin gi wi dah det, bot di gif weh God deh gi wi dah laif weh gwain laas fareva —ahn ih frii! Dat dah di laif weh wi get wen wi kom fi bii wan wid fi wi Laad Jesus Christ.

1 Corinthians 1:21

God mek'ih so dat di pipl dem iina disya worl kyaahn get fi nuo him chruu fi dem uon wizdom nontaim. Insida dat, ihn yuuz disya suo-kaal fuulish mesij weh wi priich fi siev dehn pipl, weh deh chros iina him.

2 Thessalonians 1:11

Ahn dat dah wai wi aalwiez prie fi unu. Wi deh prie tu God, ahn aks im fi mek unu fit fi liv di laif weh ihn wehn kaal unu fi liv. Wi prie tu seh, bai ihn powa God wi gi unu evryting weh unu niid fi du aal dehn gud tingz weh ihn wehn plan fi unu du —aal dehn tingz weh gwain hapm chruu unu fiet iina him!

2 Thessalonians 1:5

Aala dis shuo seh God joj rait aal di taim, ahn bikaaz a dat, ihn gwain mek unu fit fi bii wan paat a fi him Kingdom, weh unu deh sofa fah.

Hebrews 12:28

So den bredrin, mek wi aafa op wi tanks tu God, bikaaz dah him weh gi wi wan Kingdom weh notn kyaahn shiek nontaim. Mek wi waaship im wid wan fier weh huoly, ahn mek wi shuo im plenty ana ahn rispek tu;

James 2:5

Hier dis, bredrin: God don pik demde pipl weh ada pipl luk pan az puor, fi bii rich iina fiet! Ahn ihn wehn pramis demde pipl weh lov im, wan plies iina fi him Kingdom.

2 Peter 1:11

Den, wen di prapa taim kom, God gwain uopm di giet dem a hevn waid, so unu kyan go iina di Kingdom a fi wi Laad ahn Sievya Jesus Christ, weh gwain laas fareva ahn eva.

Revelation 1:6

Den, ihn mek wi ruul az king ahn sorv ihn Faada God az priis. So den, mek wi gi'im aal di gluory ahn aal di powa fareva ahn eva. Amen!

Revelation 22:5

Dehn no gwain gat no muo nait deh agen, ahn di pipl dem no gwain niid non lamp niida. Dehn no gwain niid non lait fahn di son, bikaaz di Laad God gwain bii dehn lait. Ahn di pipl dehn gwain ruul laik king fareva ahn eva!