Luke 12:21 - The New Testament in Islander Creole

²¹ Den Jesus seh tu dem, “Dis dah weh gwain hapm tu enybady weh put'op richiz fi demself pan ort, bot no pie no main tu di richiz weh kom fahn God.”

Luke 12:21 Iomraidhean Croise

Luke 12:33

Sel aal weh unu gat ahn gi di puor dem di mony, ahn unu gwain get mony bag weh no gwain wier out. Put unu richiz iina hevn weh paat ih no gwain don, ahn weh non tiif kyaahn kom nier dem ahn non wud-lais kyaahn distrai niida,

Luke 16:11

Ahn if dehn kyaahn chros unu fi hangl matiryal richiz, den huu gwain chros unu wid chruu richiz?

Luke 6:24

Bot unu weh rich now, deh iina trobl; unu don gat weh unu fi get.

Romans 2:5

Bot unu haat haada an rak, ahn unu no waahn ton fahn unu sin dem! So den, unu deh mek tingz muo wosa fi unuself pahn Jojment Die, wen God gwain shuo ihn raat ahn joj aal di worl.

2 Corinthians 6:10

Wi haat hevy, bot wi stil kyan rijais. Wi no gat plenty tingz, bot plenty pipl get rich blesin chruu weh wi priich. Wi no uon notn, bot stil evryting dah fi wi.

1 Timothy 6:9

Bot di pipl dem weh waahn get plenty tingz, dehn faal iina temtieshan ahn dehn drap iina di trap a dehn uon los. Ahn dat dah wan fuulish guol iina dehn laif weh gwain mes'op dehn laif plenty, ahn aftawod ih gwain distrai dem fi chruut!

James 2:5

Hier dis, bredrin: God don pik demde pipl weh ada pipl luk pan az puor, fi bii rich iina fiet! Ahn ihn wehn pramis demde pipl weh lov im, wan plies iina fi him Kingdom.

Revelation 2:9

Ah nuo unu work; Ah nuo how unu sofa ahn how unu puor —bot unu rich! Ah nuo bout dem weh kaal demself Jew ahn taak bad bout unu. Bot dem dah no non Jew ataal! Dem dah Satan sinigag!