Luke 12:19 - The New Testament in Islander Creole

¹⁹ Afta dat Ah gwain sidong ahn seh tu miself, “Bwai, Ai tel yo; yo gat nof tingz put'op fi laas yo fi yierz tapa yierz! Now tek'ih iizy; iit ahn drink ahn injai yoself!” ’

Luke 12:19 Iomraidhean Croise

Luke 12:18

Den ihn seh, ‘Aa-haah, Ah nuo weh Ah gwain du: Ah gwain brok dong mi stuor-hous ahn bil som biga wan. Den Ah gwain gat nof spies fi put mi krap ahn aal mi ada tingz.

Luke 16:19

Den Jesus seh, “Wan taim wan rich man yuuztu dres op iina di bes kluoz weh mony kuda bai, ahn ihn yuuztu gat big bankwet evry die.

Luke 21:34

“Unu main, unu no mek unu haat get hevy wid sin, laik di man weh wies ihn laif wid jronkinis, ahn di woriz a dis laif; ahn den, wen unu fain out, Dah Die kech unu aafa gyaad. Ih gwain kom aalava sodn laik wan trap;

1 Corinthians 15:32

Unu tink seh Ai wehn fait demde kain a man weh stan laik wail biis rait yah iina Ephesus jos fi satisfai mi uonself? Nuo sah, dat neva wehn gwain du mi non gud. Bot, if di ded no gwain riez'op bak, den dah laik weh dehn seh: “Mek wi jos iit, ahn jrink, bikaaz tumaara wi gwain ded enywie!”

Philippians 3:19

Ahn demde kain a pipl deh hed striet fi hel! Dehn ongl tink pahn wat dehn kyan put iina dehn bely, ahn dehn proud a dehn shiemful, doty wiez. Ahn aal weh deh pahn dehn main dah di tingz dem weh deh iina disya worl.

1 Timothy 5:6

Bot di neks wido liv jos fi ihn uon plezha, ahn so ihn don ded iina God sait, iivn duo ihn deh liv.

1 Timothy 6:17

Now, Timothy, demya pipl weh rich ahn gat plenty tingz iina disya worl, yu fi tel dem seh dehn no fi bii proud, nar chros iina dehn paila fansy tingz weh dehn gat. Bikaaz nonbady no nuo fi chruut how lang demde tingz gwain laas. Insida dat, dehn fi chros iina God. Dah him dah di Wan weh gi wi evryting wi niid —iivn muo an nof fi mek wi hapy.

2 Timothy 3:4

Dehn gwain bii pipl weh nonbady kyaahn chros. Dehn gwain bihiev wail ahn ful a demself. Demya kain a pipl gwain lov plezha muo an how dehn lov God.

James 5:5

Unu wikid ahn grabalishos ahn krievn! Bot unu deh fatn op unuself fi di die a unu slaata.

1 Peter 4:3

Unu don spen nof taim bak den deh du dehn tingz weh di pipl dem weh non nuo God du. Unu yuuztu spen unu taim deh go dah wail paaty, unu jrink ahn get jronk, unu liv wan slak laif, ahn unu ful a los. Unu yuuztu du di muos disgostin tingz dem, ahn unu yuuztu waaship di aidal dem tu.

Revelation 18:7

Shii wehn injai plenty richiz ahn plezha. Now, mek shii go chruu sofarin tu —ahn pien plenty muo! Shii buos iina fi shii haat seh, ‘Ai dah kwiin pahn mi chruon! Ai dah no non wido; Ai no gwain nuo weh ih miin fi bii sad nontaim!’