Luke 12:17 - The New Testament in Islander Creole

¹⁷ Ahn wan die, di man seh tu ihnself, ‘Dah weh Ah gwain du now? Ah no gat non wie weh big nof fi huol aal mi krap.’

Luke 12:17 Iomraidhean Croise

Matthew 16:7

So di disaipl dehn staat taak'op mongs dehnself wai ihn seh dis. “Dah mosy bikaaz wi figat fi ker di bred,” dehn seh.

Matthew 5:42

Enybady weh beg yo, gi dem. Ahn no haid fahn di wan weh waahn baara somting fahn yo.

Luke 10:25

Wan taim wan tiicha a di Laa get'op ahn aks Jesus wan kwestyan fi trai im out; ahn ihn seh, “Tiicha, dah weh Ah hafy du fi liv fareva?”

Luke 11:41

Dah wen unu shier wid di pipl dem weh gat muo niid, dat dah wen unu haat riily kliin.

Luke 12:16

Den Jesus tel dem dis parabl: “Wan rich man grong wende prodyuus plenty.

Luke 12:18

Den ihn seh, ‘Aa-haah, Ah nuo weh Ah gwain du: Ah gwain brok dong mi stuor-hous ahn bil som biga wan. Den Ah gwain gat nof spies fi put mi krap ahn aal mi ada tingz.

Luke 12:22

Den Jesus ton tu ihn disaipl dem ahn seh, “Das wai Ah deh tel unu: no fret ahn wory bout unu laif, weh unu gwain iit, nar weh unu gwain wier;

Luke 12:29

“Ahn unu no fi fret bout weh unu gwain iit or drink —jos no wory!

Luke 12:33

Sel aal weh unu gat ahn gi di puor dem di mony, ahn unu gwain get mony bag weh no gwain wier out. Put unu richiz iina hevn weh paat ih no gwain don, ahn weh non tiif kyaahn kom nier dem ahn non wud-lais kyaahn distrai niida,

Luke 16:3

Den di manija seh tu ihnself, ‘Weh Ah fi du now? Mi maasta don deh faiya mi, ahn Ah no strang nof fi go dig di grong, ahn Ah shiem fi go beg.

Luke 16:9

Den Jesus kantinyo ahn seh, “Ah deh tel unu dis: unu mony no gwain laas fareva, so yuuz wateva unu gat pan dis ort fi bii wan gud fren tu pipl, ahn wen unu mony don, God gwain glad fi risiiv unu op iina hevn.

Luke 18:22

Afta Jesus hier im, ihn seh, “Yo stil gat wan ting muo fi du: Golang ahn sel aal weh yo gat ahn gi di puor dem di mony; den yo gwain get wan paila trezha iina hevn. Afta dat, kom ahn fala mi.”

Luke 19:17

Ahn ihn maasta tel im, ‘Yuu dah wan gud sorvant! Sins Ah kuda chros yo wid so likl bit a mony, Ah gwain gi'yo atarity uova ten sity.’

Luke 3:11

Ihn seh tu dem, “Huu gat two jakit, fi gi wan tu di man weh no gat non ataal, ahn huu gat fuud, fi shier'ih.”

Acts 16:30

Den, ihn ker dem outa di sel ahn aks dem, “Saar, dah weh Ah hafy du fi get siev?”

Acts 2:37

Now, wen di pipl dem hier dis, dehn wehn shak ahn fiil uova bad. So dehn aks Peter ahn di ada apasl dem, “Bredrin, dah weh wi fi du now?”

Romans 12:13

Wen God pipl dem no gat weh dehn niid, unu shuda shier fi unu uon tingz wid dem. Ahn unu fi welkom demde biliiva weh dah strienja iina unu hous tu.

1 Timothy 6:17

Now, Timothy, demya pipl weh rich ahn gat plenty tingz iina disya worl, yu fi tel dem seh dehn no fi bii proud, nar chros iina dehn paila fansy tingz weh dehn gat. Bikaaz nonbady no nuo fi chruut how lang demde tingz gwain laas. Insida dat, dehn fi chros iina God. Dah him dah di Wan weh gi wi evryting wi niid —iivn muo an nof fi mek wi hapy.

1 John 3:16

Wi wehn get fi nuo wat dah riil lov, bikaaz Christ gi'op fi him uon laif fi wii. So den, wii shuda gi'op fi wi laif fi wan anada tu!