Luke 11:8 - The New Testament in Islander Creole

⁸ “Ah deh tel unu: iivn duo ihn no get'op fi gi'im di bred bikaaz ihn dah ihn fren, if ihn kiip deh aks im uova ahn uova, ihn gwain get'op ahn gi'im weh ihn niid.

Luke 11:8 Iomraidhean Croise

Luke 11:7

Bot di wan iinsaid seh, ‘No bada mi, man! Ah don lak mi duo aredy, ahn mii ahn mi famaly don iina bed. Ah kyaahn get'op fi gi'yo notn.’

Romans 15:30

Bredrin, sieka wi fiet iina di Laad Jesus Christ, ahn di lov weh God Spirit put iina fi wi haat, Ah deh beg unu fi jain wid mi iina mi strogl dem, ahn prie tu God fi mi wid aala unu haat.

2 Corinthians 12:8

Ah prie bout dat ahn beg di Laad three taim fi him tek'ih weh fahn mi.

Colossians 2:1

Mek Ah tel unu how haad Ah wende work fi unu ahn di pipl dem weh deh dah Laodicea, ahn fi aala dem ada wan weh neva miit mi yet fies tu fies.

Colossians 4:12

Epaphras, weh dah fahn fi unu gruup ahn weh deh sorv Christ Jesus, sen ihn griitin tu. Aal di taim ihn deh prie fi unu wid aala ihn haat. Ihn deh prie seh unu gwain neva stap deh chros iina God, ahn dat unu gwain stan strang far im iina evryting, ahn dat unu gwain nuo aal weh ihn waahn unu du, ahn den unu wi du'ih.