Luke 11:4 - The New Testament in Islander Creole

⁴ ahn fargiv wi sin dem, jos laik wii fargiv evrybady weh du wi bad tingz tu. Ahn kiip wi weh fahn temtieshan.’ ”

Luke 11:4 Iomraidhean Croise

Matthew 18:35

Den Jesus seh tu dem, “Dis dah how mi Faada iina hevn gwain triit unu if unu no paadn unu breda dem fahn dong iina unu haat.”

Matthew 26:41

Aala unu hafy stie wiek ahn prie fi di devl no temp unu ahn mek unu sin, bikaaz iivn if unu spirit wilin, unu bady wiik.”

Luke 11:5

Den Jesus seh tu dem, “Supuoz wan a unu gat wan fren, ahn yo go, go wiek'im op iina di migl a di nait ahn seh, ‘Breda, len mi three bred,

Luke 13:4

Or unu tink seh di eighteen man weh ded, wen di towa ah Siloam faal dong, dehn dah wehn wosa sina an evrybady els iina di huol Jerusalem?

Luke 22:46

Ihn aks dem, “Wai unu deh sliip? Get'op ahn prie fi di devl no temp unu ahn mek unu sin.”

Luke 8:13

Di siid dem weh drap pan raky grong dah laik di pipl dem weh hier di mesij ahn get glad. Bot laik di ruut fi demya trii, di mesij weh dehn hier no go diip iina dem. So, dehn no laas lang, ahn wen di taim fi tes kom, dehn gi'op.

John 17:15

“Faada, Ah no deh aks yo fi tek dem outa di worl, bot Ah deh aks yo fi protek dem fahn di Wan weh Bad.

1 Corinthians 10:13

Memba, evry kain a tes weh unu go chruu dah di siem kain a tes dem weh ada pipl gaan chruu. Bot God fietful tu ihn pramis, ahn him no gwain mek di taim weh unu get tes stie so lang seh unu kyaahn bier'ih no muo. Bot, wen di tes kom, God gwain gi unu di strent fi stan'ih ontil ihn shuo unu wan wie out.

Colossians 3:13

Unu fi aalwiez bier'op wid wan anada, ahn if enybady du unu enyting bad, fargiv dem. Ahn jos laik how di Laad wehn fargiv unu, rait so unu shuda fargiv wan anada tu!

2 Thessalonians 3:3

Bot, az fi di Laad Jesus, him wehn aalwiez fietful. Ahn ihn gwain mek unu iivn muo stranga ahn kiip unu sief fahn di Wikid Wan.

2 Timothy 4:18

Ahn di Laad gwain siev mi fahn evry wikid ting weh kom gens mi. Ihn gwain kiip mi sief ahn ker mi dah hevn weh paat him deh ruul. So, mek wi gi'im gluory fareva ahn eva. Amen!

James 2:13

Bikaaz enybady weh no gat non morsy, God gwain joj dem bitout morsy, bikaaz morsy aalwiez biit jojment!

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!

Revelation 3:10

Bikaaz unu bier'op ahn stan strang deh du weh Ah tel unu fi du; Ah no gwain mek unu sofa, wen haad taim ahn trobl kom fi trai aal di pipl dem weh deh pahn ort.