Luke 11:39 - The New Testament in Islander Creole

³⁹ Bot di Laad seh tu im, “Now, unu Pharisee! Unu mek shuor seh unu kliin evryting pan di outsaid weh pipl kyan si, laik unu kop ahn unu pliet, bot iina unu haat unu griidy ahn wikid!

Luke 11:39 Iomraidhean Croise

Matthew 15:19

Bikaaz dah fahn iinsaida di porsn haat aal di doty tinkin kom out weh mek im du aal di bad ting dem, laik kil, komit adolchry, gat seks bitout marid, tiif, tel lai fi get somting, ahn bring dong sombady repyutieshan.

Matthew 7:15

“Luk out fi di faals prafit dem weh kom tu yo deh luk gud dres op, bot iina dehn haat dehn jos laik wan kraas wulf.

Luke 16:15

So Jesus tel dem, “Unu aalwiez mek unuself luk gud fronta ada pipl, bot God nuo unu haat. Unu fi memba dis: Wat impuotant fi man, no wot notn ataal fi God.

Luke 7:13

Ahn wen di Laad si di wido, ih toch ihn haat siem taim. Den ihn seh tu im, “No hala.”

Luke 7:19

ahn sen dem tu di Laad fi aks im seh, “Dah yuu dah di Mesaya huu fi kom, or wi fi wiet pahn sombady els?”

John 12:6

Bot ihn neva seh dis bikaaz ihn wehn kier bout di puor pipl dem; dah bikaaz ihn dah wehn wan tiif. Him wehn main di mony bag fi di ada disaipl dem ahn ihn wehn stie deh dip ihn han iina ih.

John 13:2

Now, bifuor dehn gaan fi iit di Paasuova sopa, di devl wehn don get iina Judas Iscariot suol fi mek ihn sel out Jesus. Dis dah di siem Judas huu dah wehn Simon son.

Acts 5:3

Bot Peter tel im seh, “Ananias, how yuu mek Satan kanchruol yo main, man! Yuu deh tel di Holy Spirit wan lai, wen yo kiip bak som a di mony fi yoself ahn den yu priten seh yo wende gi aala ih!

Galatians 1:14

Ahn Ah yuuztu tek mai Jewish rilijan sirios —muo sirios an eny ada pipl roun mai iej. Ai wehn ongl iiga fi fala aal di ruul ahn regyulieshan dem weh dehn paas dong fahn jinarieshan tu jinarieshan.

2 Timothy 3:5

Dehn gwain plie laik dehn deh fala fi wi rilijan, bot riily dehn no waahn God gat non kain a powa uova dehn laif ataal. Timothy, yu no fi miks'op wid demde kain a pipl nontaim!

Titus 1:15

Memba seh: fi demde pipl weh dehn haat kliin, dehn si evryting az kliin; bot fi di pipl dem weh dehn haat no kliin, dehn si evryting doty. Dehn main korop ahn dehn kanshans neva iivn nuo dehn wende du plenty bad tingz.

James 4:8

Kom nier tu God, ahn ihn gwain kom nier tu unu tu. Unu sinaz, wash unu han dem! Ahn unu hipokrit, unu fi kliin unu doty haat tu!