Luke 11:36 - The New Testament in Islander Creole

³⁶ If unu ful'op a lait, ahn unu no gat non kain a daak spat ataal iina unu, den di huol a unu gwain lait'op, jos laik how wan brait lait deh shain pan unu.”

Luke 11:36 Iomraidhean Croise

Matthew 13:52

So Jesus tel dem, “Das wai evry tiicha a di Laa weh kantinyo deh laan bout di Kingdom a Hevn dah jos laik huu weh ruul iina wan hous, weh tek out di uol ahn nyuu tingz outa ihn chis weh paat ihn kiip dem; ihn gwain kompier di Laa fahn lang taim abak wid di nyuu tiichin.”

Matthew 5:15

Nonbady no gwain lait wan lamp ahn den put'ih aanda wan baaskit. Insida dat dehn gwain put'ih op pan wan stan, so evrybady iina di hous kyan si gud.

Luke 11:35

So mek shuor seh dah lait iina unu, ahn no daaknis.

Luke 11:37

Afta Jesus don taak, wan Pharisee man invait im fi iit wid im. So Jesus gaan ahn sidong roun di tiebl.

2 Corinthians 4:6

Bikaaz, God dah di Wan weh seh, “Mek lait shain fahn outa di daaknis!” Ahn dah him weh mek fi him lait shain iina wi haat. Ahn dah lait weh deh shain fahn Christ fies, mek wi nuo God gluory ihself!

Ephesians 4:14

Den, iina dah taim deh, wi no gwain bii laik likl pikniny no muo, weh iizy fi chienj weh dehn biliiv az kwik az dehn hier enyting weh nyuu. Dehn dah laik wan likl buot weh di wiev dem kyan fling bout, wen di strang briiz kiip aan deh chienj ahn bluo di buot dis wie ahn dah neks wie. Demde pipl weh deh trai fi fuul wi op wid dehn rang tiichin, dah jos laik demde win. Dehn liid som biliiva astrie wid dehn triky tiichin dem, weh dehn mek'op dehn uonself!

Colossians 3:16

Ahn mek Jesus Christ mesij aalwiez liv uova rich iina unu haat tu, so unu kyan tiich wan anada, advaiz wan anada, ahn du'ih iina wan waiz wie. Sing saamz, ahn sing di hims dem tu. Ahn sing di priez sang dem tu God, deh aafa op unu tanks tu im iina unu haat.

Hebrews 5:14

Bot haad fuud dah fi di pipl dem weh don gruo'op —pipl weh gat ekspiriens iina how fi tel weh dah di difrens bitwiin weh gud ahn weh wikid.

James 1:25

So den, unu fi kiip deh stody di porfek Laa a God, dah Laa weh gi unu friidom. If unu hier'ih ahn kiip deh memba it, ahn den du weh ih seh, God gwain bles unu iina aal weh unu du.

2 Peter 3:18

Bot unu fi kantinyo fi gruo iina gries ahn kantinyo fi laan muo ahn muo bout fi wi Laad ahn Sievya, Jesus Christ, evry die. Ahn mek wi gi'im aal di gluory now ahn fareva. Amen!