Luke 10:6 - The New Testament in Islander Creole

⁶ If di pipl dem weh liv deh dah piisful pipl, den unu blesin gwain stie wid dem, bot if dehn no piisful, di blesin gwain kom bak tu unu.

Luke 10:6 Iomraidhean Croise

Luke 10:5

“Enytaim unu go iina wan hous, di fos ting unu fi seh dah, ‘God bles dis hous wid piis.’

Luke 10:7

Ongl stie dah wan hous, ahn iit ahn drink enyting weh dehn gi unu, bikaaz wan workin man shuda get ihn pie. Ahn no deh go fahn hous tu hous.

Ephesians 5:6

So den, bredrin, unu no fi mek nonbady fuul unu op, deh tel lai weh no gat non sens ataal. Aala demya tingz weh Ah deh taak bout, dehn mek God uova beks. Demde pipl, weh no deh du weh ihn tel dem fi du, gwain fiil God raat.

2 Thessalonians 3:16

Di laas ting Ah gwain seh, bredrin, dah Ah prie seh di Laad Jesus —fahn weh wi get riil piis— wi bles unu wid ihn piis aal di taim ahn iina evrywie. Ah prie tu seh di Laad wi aalwiez deh wid unu!

James 3:18

So den, bredrin, evrybady weh help mek piis mongs ada pipl, dehn deh plaant di siid a piis ahn dehn gwain riip plenty gud ting fahn dat.

1 Peter 1:14

Obie God, bikaaz unu dah fi him pikniny. Ahn no go bak, go liv dehn uol wikid wiez weh unu yuuztu liv —demde taim unu neva nuo no beta.