Luke 10:37 - The New Testament in Islander Creole

³⁷ Di tiicha a di Laa seh, “Di wan weh wehn fiil sary fi im ahn help im.” So Jesus tel im, “Wel now, yuu go ahn du di siem ting.”

Luke 10:37 Iomraidhean Croise

Matthew 20:28

Dah rait so di Son a Man deh; ihn no kom fi di pipl dehn sorv im, bikaaz him kom fi sorv ahn fi gi ihn laif fi pie fi plenty pipl sin.”

Matthew 23:23

“How haad unu gwain gat'ih, unu tiicha a di Laa ahn Pharisee pipl, unu hipokrit! Dah chruut unu gi God ten porsent ah aal weh unu gat, iivn dongtu di mint ahn komin siizinin weh unu gat iina unu yaad, bot unu no pie no main fi di tingz dem weh riily impuotant iina di Laa. Unu no fier wid pipl, nar gat non morsy fi dem, nar unu fietful fi kompliit weh God seh unu fi du. Wail ih gud fi gi God ihn ten porsent, unu fi pie main tu di ada impuotant tingz tu.

Luke 10:36

Den Jesus aks di tiicha a di Laa seh, “Outa di three a dem, huu yuu tink ak laik wan nieba tu di man weh di tiif dem biit'op?”

Luke 10:38

Wail Jesus ahn ihn disaipl dem wende travl, dehn paas chruu wan toun weh wan uman niem Martha risiiv dem iina ihn hous.

2 Corinthians 8:9

Bikaaz, unu nuo how fi wi Laad Jesus Christ wehn so kain tu wi iivn duo him wehn so rich; bot sieka ihn lov fi unu, ihn mek ihnself get puor so dat chruu fi him puonis, unu kuda bii rich.

Ephesians 5:2

Unu laif fi bii ful wid lov iina aal weh unu du, jos laik how Christ lov wi ahn gi ihn laif fi wi —ihn aafa op ihn laif az wan aafrin weh smel swiit tu God!

1 Peter 2:21

Aftaraal, God kaal unu fi sofa, if unu gwain fala iina di fut-step dem weh Christ lef. Dah him wehn lef wan porfek egzampl wen ihn sofa fi wii.

Revelation 1:5

Ahn fahn Jesus Christ, weh tel di chruut aal di taim —di fos wan weh God riez'op bak fahn di ded fi liv agen! Him dah di ruula uova aal di king dem fahn di worl. Christ lov wi ahn shed ihn blod so ihn kuda set wi frii fahn wi sin dem.