Luke 10:21 - The New Testament in Islander Creole

²¹ Siem taim, Jesus get ful'op wid jai fahn di Holy Spirit ahn ihn seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl. Yees Faada, bikaaz yo wehn glad fi du'ih dis wie.”

Luke 10:21 Iomraidhean Croise

Matthew 16:17

Den Jesus seh tu im, “If yuu wehn ongl nuo how bles yo bles, Simon, Jonah son! Bikaaz nonbady neva mek yo andastan dis; dah mi Faada iina hevn du'ih.

Matthew 21:16

ahn dehn aks Jesus, “Yuu no deh hier wat demya pikniny deh seh?” So Jesus ansa dem, “Yees! Ahn unu neva riid iina di Skriptyo weh ih seh, ‘Yuu, God, wehn plan fi mek yo uon priez outa weh di likl pikniny ahn di bieby dem wehn gwain seh bout yo.’ ”

Matthew 3:7

Bot wen John si som Pharisee ahn som Sadducee deh kom upaa ihn wende baptaiz, ihn tel dem seh, “Unu sniikin, jos laik som sniek iina graas! Dah huu waan unu bout di jojment weh deh kom?

Mark 10:15

Hier dis chruut weh Ah deh tel unu: Enybady huu no kom tu God laik likl pikniny, no gwain get iina ihn Kingdom.”

Luke 15:5

Ahn wen ihn fain ih, ihn gwain so glad so ihn gwain put'ih pan ihn shuolda ahn go huom.

Luke 15:9

Ahn wen ihn fain ih, ihn gwain kaal ihn fren ahn nieba dem ahn seh, ‘Mek wi selibriet, bikaaz Ah fain mi silva chienj weh wehn laas.’

John 11:41

So dehn muuv di rak, ahn Jesus luk op tu hevn ahn seh, “Faada, Ah tank yo seh yo don hier mi.

2 Corinthians 4:3

So den, if dehn gat som pipl weh no andastan dis mesij weh wi deh priich, ih wuda bii demde pipl weh deh pahn dehn wie tu distrokshan.

Ephesians 1:11

Di chruut dah seh, evryting weh tek plies iina disya worl, dah bikaaz God wehn don plan'ih, ahn dah fi him disizhan. So, God wehn pik wi out fi bii fi him uon pipl dem ahn bii wan wid Christ; ahn dat dah fi him uon plan weh ihn wehn disaid fahn di biginin a taim.

Ephesians 1:5

God wehn don disaid seh chruu Jesus Christ, ihn wehn gwain mek wi fi bii ihn uon pikniny. Ahn dis dah wat mek im glad fi ker out ihn plan fi iich wan a wi.