Luke 10:20 - The New Testament in Islander Creole

²⁰ So, no get glad seh bad spirit pie unu main; beta unu glad seh unu niem don rait dong iina hevn!”

Luke 10:20 Iomraidhean Croise

Matthew 10:1

So Jesus kaal'op ihn twelve disaipl ahn ihn gi dem di atarity uova di bad spirit dem, so dehn kuda ron dem outa pipl, ahn fi kyuor aal kain a siknis ahn diziiz tu.

Matthew 26:24

Ih rait dong seh di Son a Man hafy ded, so ih hafy hapm. Bot how bad ih gwain bii fi di man weh sel out di Son a Man! Ih wuda beta fi dis man if ihn neva baan ataal.”

Matthew 27:5

Ahn Judas chruo don di mony pahn di fluo iina di Templ, ahn den ihn gaan out, gaan heng ihnself.

Philippians 4:3

Ahn Ah deh aks unu —weh dah mi work paadna— fi help out dehn two uman deh. Dehn yuuztu work haad lang saida mi fi spred di Gud Nyuuz bout Jesus Christ, lang wid Clement ahn di res a mi work paadna dem. God don rait dong fi dem niem iina di buk weh ihn put dong di niem ah aala demde pipl weh gwain liv wid him fareva.

Revelation 13:8

So, aala di pipl dem pahn ort gwain waaship dah biis, eksep fi demde pipl weh wehn gat dehn niem rait dong iina di buk weh dah fi di Lam weh di pipl fahn Israel don kil. Dah wehn bifuor God mek di worl, ihn wehn rait dong iina di buk fi di Lam di niem ah aala demde pipl weh gwain liv fareva.

Revelation 17:8

Di biis weh yo jos si wehn laiv, bot now ihn no gat no muo laif. Ihn gwain kom op fahn outa di diip-diip huol. Den, ihn gwain go tu di plies weh demya pipl kil im. Ahn di pipl dem, weh no gat dehn niem rait dong iina di Buk a Laif fahn bifuor God wehn mek di worl, gwain kyaahn biliiv'ih wen dehn si dah biis. Bikaaz ihn yuuztu bii laiv, ahn now ihn no gat no muo laif, bot stil yet ihn gwain kom bak agen!

Revelation 20:12

Ahn den, Ah si di pipl dem weh wehn ded —demde pipl weh big, ahn demde pipl weh smaal —aala dem deh stan op fronta di chruon. Ahn den som buk get uopm op, weh inkluud di Buk a Laif. Ahn aala weh demde ded pipl wehn du bifuor dehn ded, wehn rait dong iina dah buk. Ahn God staat joj aala dem akaadn tu weh wehn rait dong iina dah buk.

Revelation 20:15

Ahn enybady weh dehn niem neva rait dong iina di Buk a Laif wehn get chruo iina di liek a faiya!

Revelation 21:27

Bot notn weh bad gwain go iina di sity. Ahn nonbady weh deh du dehn doty tingz weh mek pipl shiem, gwain go iin deh. Siem wie, demde pipl weh no tel di chruut, dehn gwain kyaahn go iin niida. So, di pipl dem weh gwain go iina di sity dah ongl demde pipl weh dehn niem wehn rait dong iina di Lam Buk a Laif!

Revelation 3:5

Ahn jos laik dem, aal di pipl dem weh stan strang afta Satan don trai dem, gwain wier wait kluoz tu. Ah no gwain tek dehn niem fahn outa di Buk a Laif. Ahn wen Ah stan fronta mi Faada ahn ihn ienjel dem, Ah gwain seh dem dah fi mi fi chruut.