Luke 10:2 - The New Testament in Islander Creole

² Ahn ihn tel dem seh, “Plenty grien deh fi pik, bot ongl likl bit a pipl deh fi work. So prie seh di Wan weh inchaaj a di haavis wi sen som muo pipl fi work iina ihn grong.

Luke 10:2 Iomraidhean Croise

Matthew 20:1

“Bikaaz di Kingdom a Hevn dah laik di uona a wan lan weh go out suun-suun iina di maanin, go luk som man fi work iina ihn grong.

Mark 13:34

Ih gwain bii laik wan man weh gwain dah wan foor kontry ahn lef ihn sorvant dem fi main ihn hous. Ihn lef work fi evry wan a dem ahn ihn tel ihn wach-man fi wach gud.

Mark 16:15

Ihn tel aala dem, “Unu go chruu di huol worl ahn priich di gud nyuuz tu evrybady.

Mark 16:20

Ahn ihn disaipl dem gaan ahn priich evrywie, ahn di Laad wende work wid dem. Ihn shuo seh wat dehn wende priich dah wehn chruut, bikaaz ihn gi dem powa fi mek mirakl hapm.]

Luke 9:1

Wan nada die Jesus kaal ihn twelve apasl tugeda, ahn ihn gi dem powa ahn atarity uova di bad spirit dem, ahn fi kyuor aal kain a siknis.

Acts 11:19

Now, plenty biliiva wehn skyata aal bout di plies sieka di teribl tingz weh dehn wehn gaan chruu afta Stephen ded. Dehn gaan az foor az Phoenicia, Cyprus ahn Antioch, ahn dehn shier di mesij, bot ongl wid di Jew dem.

Acts 13:2

Wail dehn wende waaship di Laad ahn deh faas, di Holy Spirit seh tu dem, “Ah waahn unu dedikiet Barnabas ahn Saul fi wan speshal work weh Ah gat fi dem.”

Acts 13:4

So, di Holy Spirit sen dem out, ahn dehn gaan dong fos dah di Seleucia sii kuos ahn den siel aaf tu Cyprus.

Acts 20:28

Now unu hafy wach out gud, ahn mek shuor seh unu tek kier a unuself ahn di biliiva dem weh di Holy Spirit put unu uova laik shepad. Demya pipl dah di chorch weh Jesus bai wid fi him uon blod.

Acts 22:21

Bot di Laad seh tu mi, ‘Go fahn Jerusalem rait now, Paul; Ah deh sen yo foor fahn yah, tu di Gentile pipl dem.’ ”

Acts 8:4

So, di biliiva dem wehn skyata aal uova di plies, ahn dehn staat priich God mesij evrywie dehn gaan.

1 Corinthians 12:28

Ahn dah di siem wie ih stan iina di chorch. God put evrybady iina ihn plies. Fos, ihn pik out som fi bii apasl; sekant, unu gat di prafit dem; den third, di tiicha dem. Den God wehn pik som fi du mirakl, ahn som neks wan fi gat di gif fi hiil pipl. Den unu gat demde pipl weh help ada pipl, ahn demde pipl weh gat di gif fi plan tingz gud ahn get di pipl dem fi work tugeda. Ahn den, unu gat demde pipl weh ihn gi di gif fi taak iina difrent kain a langwij.

1 Corinthians 15:10

Bot dah sieka God gries mek Ah kom fi bii di porsn weh Ah ton now. Ahn God neva shuo mi ihn gries fi notn, bikaaz Ai work haada an aal di res a di apasl dem. Bot mek Ah tel unu, dah no mii miself deh work, bot dah God gries weh deh wid mi weh wende du'ih.

2 Corinthians 6:1

So bredrin, wii weh deh work tugeda wid God, deh beg unu fi mek gud yuus ah di gries weh God wehn gi unu.

Philippians 2:21

Evrybady els deh luk out fi dehn uonself, ahn dehn no kansaan bout weh Jesus Christ kansaan bout.

Philippians 2:25

Bot fi di taim bi'in, Ah tink Ah gwain hafy sen bak Epaphroditus tu unu. Unu wehn sen im fi tek kier a mi, ahn him riily work gud wid mi az mi breda ahn mi work paadna ahn wan fela suoldya iina God aamy.

Philippians 2:30

bikaaz Epaphroditus wehn aalmuos ded sieka ihn work fi Christ. Ihn wehn risk ihn uon laif sieka deh mek'op fi di help weh unu wuda wehn laik fi gi mi, bot unu kudn du'ih.

Colossians 1:29

Dat dah wai Ah work so haad ahn Ah hafy dipen pahn di maity powa a Christ weh deh work iina mi.

Colossians 4:12

Epaphras, weh dah fahn fi unu gruup ahn weh deh sorv Christ Jesus, sen ihn griitin tu. Aal di taim ihn deh prie fi unu wid aala ihn haat. Ihn deh prie seh unu gwain neva stap deh chros iina God, ahn dat unu gwain stan strang far im iina evryting, ahn dat unu gwain nuo aal weh ihn waahn unu du, ahn den unu wi du'ih.

1 Thessalonians 2:9

Bredrin, Ah no tink unu kyan farget how haad wi wehn work mongs unu. Wi work nait ahn die fi tek kier a wiself, bikaaz wi neva waahn nonbady seh wi dah wehn wan borden tu unu, wail wi wende priich di Gud Nyuuz bout Jesus Christ.

1 Thessalonians 5:12

So den, bredrin, wi deh beg unu fi ana unu liida dem weh deh work haad mongs unu. Dehn dah di wan dem weh God wehn pik out fi waan unu, ahn fi tiich unu how unu shuda liv.

2 Thessalonians 3:1

So, dis dah di laas ting weh Ah gwain rait tu unu: Bredrin, prie fi wi. Prie seh di Laad mesij gwain get spred aal uova faas-faas, ahn dat di pipl dem weh hier'ih gwain gi ana tu di Laad, jos laik weh wehn hapm wen unu fos hier'ih.

1 Timothy 4:10

Ahn dat dah wai wi work, ahn kiip aan deh trai muo haada evry die, bikaaz wi don put wi chros iina di livin God, weh dah evrybady Sievya, speshaly demya pipl weh chros iina him.

2 Timothy 4:5

Bot yuu, Timothy, yu fi kiip yo hed wid yu aalwiez. No fried fi sofa fi di Laad. Du di work a wan ivanjelis ahn finish di jab weh God wehn gi'yo fi du.

Philemon 1:1

Dis leta dah fahn mii, Paul, weh deh iina prizn sieka Christ Jesus, ahn fahn wi breda Timothy.

Hebrews 3:6

Bot Christ, az God Son, wehn inchaaj a God hous ihself! Ahn wii dah God hous if wi kiip'op wi korij ahn gat kanfidens iina di huop weh wi gat iina Christ Jesus.

Revelation 2:1

“Rait dis mesij tu di ienjel fahn di chorch iina Ephesus: Dis dah di mesij fahn di Wan weh huol di seven staar dem iina ihn rait han ahn weh deh waak mongs di seven guol lampstan. Ihn seh: