Luke 10:18 - The New Testament in Islander Creole

¹⁸ Jesus tel dem seh, “Yees, Ah si Satan drap laik laitnin fahn hevn.

Luke 10:18 Iomraidhean Croise

Matthew 4:10

Den Jesus tel im, “Gwaan fahn mi, Satan! bikaaz ih rait dong seh, ‘Yo fi waaship di Laad yo God ahn ongl him yo fi sorv.’ ”

John 12:31

Di taim kom now fi mek God joj di pipl iina disa worl, ahn him gwain chruo out Satan, weh dah di wan weh deh ruul dis worl.

John 16:11

Den, dehn rang bout God jojment tu, bikaaz di wan weh ruul dis worl don get joj aredy.

Hebrews 2:14

So den, jos laik how di pikniny dem dah flesh ahn blod, Jesus baan iina di worl laik flesh ahn blod tu. Di chruut dah seh, dah ongl laik wan hyuuman ihn kuda wehn ded. Ahn ongl chruu deh ded, ihn kuda distrai di devl weh yuuztu gat powa uova det.

1 John 3:8

Bot evrybady weh kiip aan deh sin dah di devl pikniny, bikaaz di devl deh sin fahn di biginin! Ahn dis dah wai di Son a God wehn kom fah: ihn kom fi distrai aal weh di devl du.

Revelation 20:2

Ahn di ienjel kyapcha di jragan. Him dah di uol sniek weh wehn dedeh fahn uol taim diez. Dehn kaal im di Devl or Satan. Ahn di ienjel chien'im op fi wan thousand yierz.

Revelation 9:1

Den di nomba five ienjel bluo ihn trompit. Siem taim Ah si wan staar deh jrap dong fahn outa di skai pahn di ort. Ahn den ihn get di kii fi uopm op di wie fi go iina wan diip-diip huol, weh dehn kaal “Di Abyss.”