Luke 1:78 - The New Testament in Islander Creole

^78-79 Sieka God kainis, di Wan weh deh kom, gwain kom laik di son iina di maanin weh riez'op iina di skai, fi gi andastandin tu di pipl dem. Ihn gwain bii laik lait fi dem weh liv iina daaknis, ahn fi dem weh fried fi ded. Ahn ihn gwain shuo aala wi how fi liv iina piis.”

Luke 1:78 Iomraidhean Croise

John 3:16

“Yu si, God lov aal di pipl iina disya worl so moch ihn gi ihn ongl Son; so enybady weh chros iina him no gwain ded; dehn gwain liv wid im fareva.

Ephesians 5:14

Bikaaz dah lait, dah weh mek evryting klier fi si. Ahn dat dah wai di Skriptyo seh: “Unu weh deh sliip, wiek'op! Get'op fahn mongs di ded pipl dem! Ahn Christ gwain shain pahn unu.”

Philippians 1:8

God ihnself nuo ho moch Ah lov unu, ahn how moch Ah waahn deh wid unu. Ah lov unu wid di lov weh kom fahn Christ Jesus imself.

Philippians 2:1

Bredrin, mek Ah aks unu som kwestyan: Di laif weh unu gat wid Jesus Christ, no inkorij unu? Ihn lov no komfort unu? Aala unu no gat di siem Holy Spirit deh liv iina unu haat? Ahn unu haat no saaf nof fi unu kier bout wan anada?

Colossians 3:12

So den, bikaaz God wehn pik unu out fi bii fi him uon speshal pipl weh ihn lov, mek unu haat go out tu wan anada. Unu fi bii kain ahn ombl, ahn triit wan nada gud, ahn gat pieshens wid wan anada.

2 Peter 1:19

So, aala dis mek wi iivn muo shuor seh weh di prafit dem wehn seh dah chruut! Ahn ih wuda du unu gud fi pie atenshan tu ih, bikaaz ih dah laik wan lamp weh deh shain iina wan daak plies til wen di maanin kom. Ahn dah Maanin Staar dah Jesus Christ imself, weh deh riez'op iina unu haat!

1 John 3:17

If sombady gat plenty tingz ahn gat evryting weh ihn niid, ahn ihn si seh ihn breda or sista niid somting —bot ihn rifyuuz fi help im out— dah how dis porsn kyan seh ihn gat di lov a God iina im? Ihn kyaahn du'ih!

Revelation 22:16

“Ai dah Jesus, ahn dah mi weh wehn sen mi ienjel fi go ahn tel unu demya tingz so dat unu kyan tel'ih tu di chorch dem. Ai dah di Wan weh dah King David disendant. Ai dah di Brait Maanin Staar!”