Luke 1:17 - The New Testament in Islander Creole

¹⁷ ahn ihn gwain go fronta di Laad wid di siem spirit ahn powa laik weh di prafit Elijah yuuztu gat. Ihn iivn gwain mek di pupa dem staat lov bak dehn pikniny dem agen. Ahn di pipl dem, weh neva yuuztu fala God Laa bifuor, gwain staat tink laik raichos pipl ahn staat du weh rait. Ahn so, yo son gwain mek di Laad pipl dem redy fi sorv im.”

Luke 1:17 Iomraidhean Croise

Matthew 11:14

—ahn if unu wilin fi aksep ih— John ihnself dah Elijah, di wan weh deh kom.

Matthew 14:4

bikaaz John yuuztu kiip deh tel im, “Ih no rait fi yu liv wid yo breda waif; ih deh gens di Laa!”

Matthew 3:3

John dah wehn di siem wan weh di prafit Isaiah wende taak bout wen ihn seh: “Wan mesinja wehn gwain kom fahn di dezart, weh gwain baal out seh: ‘Pipl! Di Laad suun kom, so unu get redy fi risiiv im!’ ”

Matthew 3:4

Now John kluoz wehn mek outa kyamil hier ahn ihn wehn gat aan wan leda belt roun ihn wies. Ahn aal ihn wehn yuuztu iit dah som luokos wid wail hony.

Luke 1:16

“Ihn gwain mek plenty a Israel disendant biliiv agen iina di Laad dehn God,

Luke 1:76

Ahn yuu, mi likl bwai John, dehn gwain kaal yo di prafit a di Muos Hai God, bikaaz yo gwain go bifuor di Laad kom, fi mek di wie redy far im,

John 1:13

Dehn neva ton God pikniny chruu di naamal wie how bieby baan laik how man du'ih, bot dah wehn God ihnself gi dem wan nyuu kain a laif.

John 1:34

Wel, mii miself wehn si'it hapm, ahn Ah deh tel unu seh dah him dah God Son, fi chruut.”

John 3:28

Unu unuself dah wehn wiknis fi dat weh Ah wehn seh, ‘Mii dah no di Mesaya, bot God sen mi fi go hed a im fi get di pipl redy fi risiiv im.’

Acts 10:33

So Ah mikies sen fi yo, ahn yu so kain fi kom. Now aala wi deh rait yah iina God sait fi hier weh God gi'yo fi tel wi.”

Colossians 1:12

Den, wid wan hapy haat, unu fi gi tanks tu wi Faada, bikaaz ihn mek unu fit fi get unu paat iina weh ihn wehn pramis ihn pipl dem iina ihn Kingdom a Lait.

2 Timothy 2:21

So, di biliiva deh, weh kiip faar fahn enyting weh gwain mek dehn bady ahn dehn spirit doty wid sin, demde pipl gwain bii laik dehn fansy guol dish dem. Dehn Maasta gwain yuuz dem fi du ihn speshal work, bikaaz demya pipl gi dehn huol laif tu di Laad, ahn dehn redy fi du aal kain a gud.

1 Peter 2:9

Bot unu dah di speshal pipl dem weh God wehn pik out. Unu dah priis weh dah fi God, di King. Unu dah wan nieshan weh God set wan-said fi ihnself. God bring unu fahn outa daaknis ahn put unu iina fi him wandaful lait. Now unu hafy tel evrybady aal di wandaful tingz weh God wehn du.

1 John 2:28

Ahn now —unu weh dah mi pikniny dem— kantinyo deh bii wan wid Christ so dat, wen di Laad kom bak, unu gwain gat korij fi fies im, ahn unu no gwain hafy fiil shiem ahn haid fahn im pahn Dat Die.

Revelation 20:4

Den, Ah si som chruon ahn di pipl weh wende sidong pahn dem wehn gat di atarity fi joj di res a di pipl dem. Den, Ah si di suol dem fi demde pipl weh wehn get kil. Dehn wehn get dehn hed kot aaf, bikaaz dehn wehn tel di chruut bout Jesus ahn God Wod. Demya pipl weh wehn get kil, dehn neva waaship di biis nar ihn statyo niida, ahn dehn neva get ihn maak pahn dehn hed nar dehn han. Ahn den, Ah si dem get laif bak, ahn dehn ruul wid Christ fi wan thousand yierz! Dat dah wehn di fos rezorekshan. (Di ada pipl dem weh wehn ded, neva get laif bak til di wan thousand yierz don paas.)