Luke 1:13 - The New Testament in Islander Creole

¹³ Bot di ienjel tel im seh, “No get fraitn Zechariah; God don hier yo prayaz, ahn Elizabeth gwain gat wan bieby fi yo, ahn yo fi gi'im niem John.

Luke 1:13 Iomraidhean Croise

Matthew 1:21

Ihn gwain gat wan son, ahn yo fi gi'im niem ‘Jesus’ bikaaz dah him gwain siev ihn pipl dem fahn dehn sin.”

Matthew 14:27

Siem taim Jesus tel dem, “No wory. Dah mii, Jesus; unu no hafy fried!”

Matthew 28:5

Den di ienjel seh tu di uman dem, “Unu no fried! Ah nuo seh unu deh luk fi Jesus weh dehn niel'op pahn di kraas.

Mark 16:6

Di yong man tel dem, “Unu no fried! Ah nuo seh unu deh luk fi Jesus fahn Nazareth weh dehn niel'op pahn di kraas. Ihn no deh yahso; ihn don riez'op fahn mongs di ded! Unu luk deh; dis dah di plies weh dehn wehn put ihn bady, ahn ihn no dedeh no muo.

Luke 1:14

Ihn gwain mek yo uova glad, ahn wen im baan, ihn gwain mek plenty pipl glad,

Luke 1:30

So di ienjel tel im, “No get fraitn Mary, bikaaz God uova pliiz wid yo.

Luke 2:21

Eight diez afta Jesus wehn baan, di taim wehn kom fi sorkomsaiz im ahn gi'im niem; so dehn gi'im niem Jesus, jos laik how di ienjel tel dem fi du bifuor Mary wehn get pregnant.

Acts 10:31

Ihn seh, ‘Cornelius! God hier yo praya dem, ahn ihn memba yo gif dem tu puor pipl.