John 9:3 - The New Testament in Islander Creole

³ Jesus ansa dem seh, “Fi him blainis no gat notn fi du wid fi him sin, or ihn muma ahn pupa sin. Bot him wehn baan blain, so God kuda shuo ihn powa chruu weh ihn wehn gwain du fi dis man.

John 9:3 Iomraidhean Croise

Matthew 11:5

blain pipl dehn get fi si, ahn dem weh wehn kripl deh waak agen; pipl weh wehn gat leprosy get beta, ahn di def kyan hier. Ded pipl kom bak tu laif, ahn di puor pipl dem get di gud nyuuz priich tu dem.

John 11:4

Bot wen Jesus hier dat, ihn seh, “Lazarus no gwain ded sieka dis siknis. Dis deh hapm so pipl kyan si God powa, ahn dah chruu dis siem siknis dehn gwain kyan si how God Son powaful ahn gi'im gluory tu.”

John 11:40

Jesus tel im, “Ah neva tel yo seh, if yu ongl biliiv, yo gwain si ho moch powa God gat?”

Acts 28:4

Wen di pipl fahn di ailant si di sniek deh heng dong pahn ihn han, dehn seh tu wan anada, “Dis man dah mosa wan mordara fi chruut; ihn get-weh fahn di sii, bot di gad dem no waahn mek im liv enywie!”

Acts 4:21

Den di rilijos liida dehn tretn Peter ahn John som muo, ahn let dem go, bikaaz dehn neva nuo how fi ponish dem, ahn aal di pipl dem wende priez God fi di mirakl weh dehn si hapm.

1 John 4:16

So den, wii wehn kom fi nuo di lov weh God gat fi wi, ahn wi kyan dipen pahn ihn lov fareva! God dah lov, ahn di pipl dem weh liv iina lov deh liv iina God, ahn God liv iina dem.

1 John 4:9

Dis dah di wie how God wehn shuo wi ihn lov: ihn sen ihn ongl Son iina di worl so dat chruu him, wii kuda gat laif weh no gwain don nontaim ataal.