John 5:2 - The New Testament in Islander Creole

² Now wan puul, weh wehn niem Bethesda iina di Hebrew langwij, wende kluos dah di shiip giet iina Jerusalem. Dis puul wehn gat five pieza.

John 5:2 Iomraidhean Croise

John 19:13

Wen Pilate hier dat, ihn bring out Jesus tu dem agen. Pilate sidong pahn di jojment siit weh wende iina wan plies weh niem “di Stuon Pievment.” Iina di Jewish langwij dehn kaal'ih “Gabbatha.”

John 19:17

So di suoldya dem ker im weh, ahn dehn mek im bak ihn kraas ihnself, ahn gaan dah di plies weh niem “Hed Skol Plies.” Iina di Jewish langwij dehn kaal'ih “Golgotha.”

John 19:20

Now plenty a di Jew dem kuda riid dah sain, bikaaz di plies weh dehn niel'op Jesus pahn di kraas wende nier di sity, ahn dehn wehn rait di sain iina Hebrew, Latin ahn Greek.

John 20:16

Jesus seh tu im, “Mary!” Den Mary ton tu im ahn seh iina di Jewish langwij, “Rabbi!” (weh miin “Tiicha.”)

John 5:3

Ahn plenty sik pipl wende lidong bai di pieza dem; som a dem wehn blain, som weh kudn waak gud, ahn som weh wehn paralaiz. [Dem wehn dedeh deh wiet fi wen di waata get stor'op,

John 7:21

Jesus ansa dem seh, “Ah du ongl wan work pahn di Sabat ahn unu deh get aan! Bot unu work pahn di Sabat tu, wen unu kom sorkomsaiz unu bwai bieby fi no brok Moses Laa. (Bot riily dat laa dah neva fahn Moses, bot ih go wie bak dah unu ansesta dem bifuor him.) Wel, wen di die fi sorkomsaiz faal pahn di Sabat, unu stil go hed ahn sorkomsaiz unu bieby so unu kyan kiip di Laa weh Moses gi unu. So wai unu beks wid mii, bikaaz Ah kyuor wan man huol bady pahn di Sabat?

Acts 21:40

Di man gi Paul pormishan, ahn Paul stan op pahn di tap step, ahn ihn huol op ihn han fi di pipl dehn les naiz. Ahn wen dehn les naiz ahn stap baal out, ihn staat taak tu dem iina di Hebrew langwij deh seh:

Revelation 16:16

Den, di three wikid spirit dem gyada di king dem tugeda iina di plies weh dehn kaal “Armageddon” iina di Hebrew langwij.

Revelation 9:11

Dehn gat dehn king tu weh dah wehn di ienjel, weh wehn inchaaj a di diip-diip huol. Di Jew dem kaal dat ienjel, “Abaddon,” ahn di Greek pipl dem kaal im, “Apollyon.” Dat miin, “Di wan weh mash'op evryting ahn evrybady!”