John 3:3 - The New Testament in Islander Creole

³ Jesus ansa ahn seh, “Hier dis chruut weh Ah deh tel yo: nonbady kyaahn bii wan paat a God Kingdom eksep dehn baan agen.”

John 3:3 Iomraidhean Croise

Matthew 16:17

Den Jesus seh tu im, “If yuu wehn ongl nuo how bles yo bles, Simon, Jonah son! Bikaaz nonbady neva mek yo andastan dis; dah mi Faada iina hevn du'ih.

Matthew 19:24

Ah deh tel unu agen, ih muo iiziya fi wan kyamil paas chruu wan niigl ai, an fi wan rich man get iina God Kingdom.”

Matthew 21:31

So Ah aks unu: Wish wan outa di two son du weh dehn pupa wehn waahn?” Dehn ansa, “Di fos wan.” Den Jesus seh tu dem, “Ah deh tel unu di chruut: di taks kalekta ahn di ruod gyal dem gwain get iina God Kingdom hed a unu.

Matthew 5:18

Bikaaz Ah deh tel unu di chruut: til hevn ahn ort no disapier, nat iivn wan a di smaalis spek gwain don weh wid outa di Laa, til evryting God waahn du chruu'ih, don hapm.

Mark 10:14

Wen Jesus nuotis wat di disaipl dem wende du, ihn get beks wid dem ahn seh, “Mek di likl pikniny dehn kom upaa Ah deh, ahn no henda dem fi kom, bikaaz God Kingdom dah fi pipl laik dem.

Mark 9:47

If yu go ahed deh sin wid yo ai, beta yu liv laik sombady weh gat ihn ai dig out, bikaaz ih beta fi yu go iina God Kingdom laik sombady wid one ai, insida fi gat yo two ai ahn go dah hel.

John 1:13

Dehn neva ton God pikniny chruu di naamal wie how bieby baan laik how man du'ih, bot dah wehn God ihnself gi dem wan nyuu kain a laif.

John 1:5

Di Lait shain out iina di daaknis ahn di daaknis kyaahn put'ih out nontaim.

John 1:51

Den Jesus seh, “Ah deh tel unu di chruut: unu gwain si hevn uopm op, ahn si God ienjel dem deh go'op ahn dong roun di Son a Man.”

John 12:40

“God don lak'op dehn ai ahn mek dem haadn dehn haat, fi dehn gwain kyaahn si wid dehn ai nar andastan wid dehn haat, ahn dehn gwain kyaahn ton fahn dehn wikid wiez, fi dehn mek di Laad paadn dehn sin dem.”

John 3:4

Nicodemus aks Jesus, “How yu miin? Dah how sombady gwain baan agen, if ihn don uol aredy? Ihn kyaahn go bak iina ihn muma bely ahn baan uova agen!”

2 Corinthians 4:4

Demde pipl no biliiv weh wi deh seh, bikaaz Satan —weh dah di god a disya worl— don blain dehn two ai dem, so dehn kyaahn si di lait a di Gud Nyuuz bout di gluory a Christ, weh shuo wi egzakly weh God laik.

2 Corinthians 5:17

Lisn: wen enybady dah wan wid Jesus Christ, dehn ton wan nyuu porsn; ahn dehn dah no di siem agen, bikaaz dehn uol wie a livin gaan, ahn evryting get nyuu-nyuu!

Galatians 6:15

Di chruut dah seh, ih no mata if unu sorkomsaiz or nat. Weh riily mata, dah if God chienj unu iina wan nyuu porsn!

Ephesians 2:1

Bredrin, unu nuo seh bifuor unu kom tu Christ, unu wehn ded wen ih kom tu di tingz a God. Dis dah wehn bikaaz unu yuuztu liv wan laif deh rifyuuz fi du weh God seh, ahn bikaaz a unu sin dem.

Titus 3:5

ahn ihn siev wii —no bikaaz a di gud tingz weh wi wehn du, bot bikaaz ah fi him morsy. Ihn wash weh wi sin dem, ahn den ihn gi wi wan nyuu laif chruu fi him Holy Spirit!

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

1 Peter 1:3

Bredrin, mek wi gi tanks tu God, di Faada a wi Laad Jesus Christ, bikaaz dah fi him griet morsy dah wai ihn mek wi kyan baan agen. Ahn siem taim ihn gi wi wan huop weh alaiv, sieka weh Jesus Christ riez'op bak fahn di ded!

1 John 2:29

Ahn unu nuo seh Christ aalwiez du weh rait, so evrybady weh du weh rait, dah wan a God pikniny, fi chruut.

1 John 3:9

Bot, aala di pipl weh dah God pikniny dem no gwain kantinyo deh sin, bikaaz God laif deh iina dem. Dehn kyaahn kiip aan deh sin, bikaaz dehn dah God pikniny.

1 John 5:1

Evrybady weh biliiv seh Jesus dah di Christ, dah God pikniny, ahn evrybady weh lov di Faada gwain lov ihn pikniny dem tu.

1 John 5:18

Wi nuo seh, dehn pipl weh dah God pikniny dehn no mek'ih wan habit fi sin, bikaaz di Son a God kiip dem sief ahn di Wikid Wan kyaahn toch dem ataal.

1 John 5:4

bikaaz evry pikniny weh God gat, don win uova di worl ahn dah di fiet weh wi gat iina Christ dah weh gi wi dah viktry!

Revelation 3:14

“Rait dis mesij tu di ienjel fahn di chorch iina Laodicea. Dis dah di mesij weh di ‘Amen’ sen. Fi chruut, him dah di Wan weh wi kyan chros iina, ahn weh deh taak di chruut aal di taim bout God. Dah fahn him kom aal weh God don mek. Ihn seh: