John 13:1 - The New Testament in Islander Creole

¹ Di iivnin bifuor di Paasuova selibrieshan, Jesus wehn nuo seh di taim kom fi mek im lef dis worl ahn go bak tu di Faada. Ihn wehn aalwiez lov aala dem weh deh iina di worl weh dah fi him, so now ihn shuo dem seh fi him lov fi dem wuda neva don nontaim.

John 13:1 Iomraidhean Croise

Matthew 26:45

Den ihn kom bak upaa ihn disaipl dem wende ahn seh tu dem, “Unu stil yet deh sliip ahn res? Luk yah! Di taim kom now fi di Son a Man get han uova tu di sinful pipl dem fi dehn du weh dehn waahn du wid im.

Matthew 28:20

ahn tiich dem how fi obie aal di tingz weh Ah wehn komaan unu. Memba dis: Ai gwain aalwiez deh wid unu dongtu di en a di worl!”

Luke 22:53

Ah wehn deh wid unu evry die iina di Templ ahn unu neva iivn trai fi toch mi, bot dis dah unu taim now, wen aal di daak powa gwain tek uova.”

Luke 9:51

Wen di taim wende get nier fi Jesus get ker bak dah hevn, ihn disaid seh dah wehn di taim ihn hafy go Jerusalem,

John 11:55

Now dah wehn niely taim fi di Jew dehn Paasuova selibrieshan. Ahn plenty pipl fahn outa di kontry gaan op dah Jerusalem som diez bifuor di selibrieshan, bikaaz dehn wehn waahn go chruu di washin serimony weh wehn gwain mek dem kliin iina God sait.

John 12:23

Jesus tel dem, “Di taim kom fi mek dem si di gluory a di Son a Man.

John 13:29

Bot, sins Judas dah wehn di wan weh main di mony bag fi di ada disaipl dem, som a dem wehn tink seh Jesus wende sen im fi go bai somting weh dehn wehn niid fi di Paasuova sopa, or fi go gi somting fi di puor pipl dem.

John 13:3

Now Jesus wehn nuo seh di Faada wehn don gi'im aal di powa fi du evryting, ahn seh ihn wehn kom fahn God ahn ihn gwain bak tu im.

John 13:34

“Ah deh gi aala unu wan nyuu komaan: Lov wan anada! Unu hafy lov wan anada jos laik how Ai wehn lov aala unu.

John 14:28

Unu aredy hier weh Ah don tel unu, ‘Ah gwain weh, bot Ah gwain kom bak tu unu agen.’ Wel, if unu wehn lov mi, unu wuda glad Ah gwain tu di Faada, bikaaz him muo grieta an mii!

John 14:31

bot Ah du weh di Faada komaan mii fi du, so aal di pipl iina disa worl kyan nuo seh Ah lov him. “Now, get'op ahn mek wi go!”

John 16:28

Yees, Ah kom fahn di Faada ahn kom iina di worl; ahn now Ah gwain lef disa worl ahn go bak tu di Faada agen.”

John 17:1

Wen Jesus don seh demde tingz, ihn luk op dah hevn ahn prie seh, “Faada, di taim don kom. Mek di pipl dem si di gluory weh yo Son gat, so ihn kyan shuo dem yo gluory tu;

John 17:16

Jos laik how Ah dah no fi di worl, mi falowa dem no bilang tu ih niida.

John 17:26

Ah shuo dem dah huu yu, ahn Ah gwain kiip aan deh shuo dem, so di lov weh yu gat fi mi kyan deh iina dem, ahn Ah gwain kyan liv iina dem tu.”

John 17:5

Ahn now, Faada, gi mi di siem gluory —aal di ana weh yo wehn gi mi wen Ah wende wid yo— fahn bifuor di worl wehn iivn staat mek.

John 18:4

Den Jesus, weh wehn nuo aal weh wehn gwain hapm tu im, step out ahn aks dem, “Dah huu unu deh luk fah?”

John 19:28

Afta dis, Jesus wehn nuo seh ihn wehn don du evryting weh ihn Faada wehn sen im fi du; ahn ihn seh, “Ah torsty,” weh mek weh di Skriptyo seh kom chruu.

John 2:13

Dah wehn niely taim fi di Jewish selibrieshan weh niem Paasuova, so Jesus gaan op dah Jerusalem.

John 6:4

Now dah wehn suun taim fi di Paasuova selibrieshan fi di Jew dem.

John 7:30

Wen Jesus seh dat, som a dem wehn waahn grab im, bot nonbady neva lie wan finga pan im, bikaaz ihn taim neva kom yet.

John 7:6

Jesus ansa dem seh, “Nuo sah, dah no taim fi Ah go yet, bot unu kyan go enytaim, bikaaz wen unu go, ih no gwain mek non difrens ataal.

John 8:20

Now Jesus seh dem tingz wen ihn wende tiich iina di ruum dah di Templ weh di kalekshan baks kiip. Bot nonbady neva grab im, bikaaz ihn taim neva kom yet.

Romans 8:37

Bot iivn wen aala demya tingz deh hapm tu wii, Christ —weh lov wi plenty— deh mek wi gat viktry uova aala demde bad tingz.

1 Corinthians 1:8

Wail dah taim kom, dah him gwain kiip aan deh mek unu strang aal di wie tu di en; so fi God no fain non faalt wid unu pahn Dat Die wen di Laad Jesus Christ kom bak.

Hebrews 3:14

Bikaaz, if wi fietful tu di en, ahn chros God jos laik how wi wehn chros im strang fahn di biginin, wi gwain gat wi shier iina aal weh dah fi Christ!

Hebrews 3:6

Bot Christ, az God Son, wehn inchaaj a God hous ihself! Ahn wii dah God hous if wi kiip'op wi korij ahn gat kanfidens iina di huop weh wi gat iina Christ Jesus.

Hebrews 6:11

So now, wi huop seh iich wan a unu wuda aalwiez kiip'op di iiganis weh unu gwain shuo til di en, so dat unu kuda shuor seh unu gwain get di tingz dem weh unu deh huop fah.

1 Peter 1:13

So den, bredrin, get unu main redy fi akshan ahn kiip unuself aanda kanchruol aal taim. Set unu huop pahn dah speshal gries weh unu gwain get wen Christ kom bak.

1 John 4:19

Ahn di riizn wai wi lov dah bikaaz God wehn lov wii fos.

Revelation 1:5

Ahn fahn Jesus Christ, weh tel di chruut aal di taim —di fos wan weh God riez'op bak fahn di ded fi liv agen! Him dah di ruula uova aal di king dem fahn di worl. Christ lov wi ahn shed ihn blod so ihn kuda set wi frii fahn wi sin dem.