John 10:4 - The New Testament in Islander Creole

⁴ Wen di shepad don ker out aal ihn shiip dem, ihn waak hed a dem, ahn di shiip dem fala im, bikaaz dehn nuo fi him vais.

John 10:4 Iomraidhean Croise

Matthew 16:24

Den Jesus seh tu ihn disaipl dem, “If enywan a unu waahn kom wid mii, unu hafy figat bout unuself, tek op unu kraas —pripier fi sofa— ahn fala mi.

John 10:16

“Ah gat som neks shiip, weh no iina disya flak yet, weh Ah hafy bring iin tu. Dehn gwain hier mi vais ahn den aala dem gwain bii wan flak wid wan shepad.

John 10:27

Mi shiip dem hier mi vais; Ah nuo dem, ahn dehn fala mii.

John 10:3

Di wan weh gyaad di giet, uopm di giet fi di shepad, ahn di shiip dem hier ihn vais. Den di shepad kaal fi him uon shiip dem bai dehn niem ahn ihn ker dem out.

John 10:5

Dehn wuda neva fala wan strienja; dehn gwain ron weh faar fahn im, bikaaz dehn no nuo di strienja vais.”

John 10:8

Aala dem weh kom bifuor mi dah bad man weh deh luk fi tiif, bot di shiip dehn neva lisn tu dem.

John 12:26

Enybady weh waahn sorv mii hafy fala mii, so dehn kyan deh di siem plies weh Ah deh tu. Ahn di Faada gwain ana enybady weh sorv mii.

John 13:15

Ah du dis fi shuo seh aala unu shuda du di siem tingz fi wan anada.

John 18:37

Pilate aks Jesus, “So yuu dah wan king den?” Jesus ansa ahn seh, “Dah yu yoself deh seh Ai dah wan king; bikaaz Ah baan ahn kom iina dis worl fi wan riizn: fi tel di chruut. Ahn evrybady weh lov di chruut lisn tu weh Ah deh seh.”

John 3:29

Di gruum —di man weh deh get marid— dah di wan weh gat di braid. Di gruum fren jos dedeh deh lisn, ahn ihn get uova hapy wen ihn hier di gruum vais. Wel, dah di siem wie wid mii; dat dah wai Ah so glad.

1 Corinthians 11:1

So, bredrin, unu shuda fala weh Ah du, jos laik how Ai deh fala weh Christ du.

Ephesians 5:1

So den, unu fi trai fi bii laik God, bikaaz unu dah fi him pikniny weh ihn lov, fi chruut.

Hebrews 12:2

Ahn mek wi kiip wi ai dem pahn Jesus, bikaaz wi fiet dipen pahn him fahn staat til wi get dah di en! Memba seh: him gaan chruu di shiem ahn mek dem niel'im op pahn wan kraas, ahn ihn neva tink notn a ih bikaaz ihn nuo seh, pahn di en ihn wehn gwain mek im hapy fi du'ih. Ahn now, ihn deh sidong pahn di rait han saida God chruon!

Hebrews 6:20

So den, bredrin, Jesus don gaan deh, hed a wii, ahn him dah fi wi Hai Priis fareva siem laik how Melchizedek dah wehn Hai Priis lang-lang taim abak!

1 Peter 2:21

Aftaraal, God kaal unu fi sofa, if unu gwain fala iina di fut-step dem weh Christ lef. Dah him wehn lef wan porfek egzampl wen ihn sofa fi wii.

1 Peter 4:1

So den, bikaaz Christ sofa yah iina ihn bady iina dis worl, unu fi tink jos laik how Christ wehn tink. So, wen unu deh sofa, unu gwain bii strang tu, bikaaz sin kyaahn kanchruol nonbady wen dehn deh sofa.

1 Peter 5:3

Ahn no deh baas'op di pipl dem weh deh iina unu kier niida; bot reda, bii wan egzampl tu dem,