John 10:3 - The New Testament in Islander Creole

³ Di wan weh gyaad di giet, uopm di giet fi di shepad, ahn di shiip dem hier ihn vais. Den di shepad kaal fi him uon shiip dem bai dehn niem ahn ihn ker dem out.

John 10:3 Iomraidhean Croise

John 10:14

Bot Ai dah di Gud Shepad, ahn Ah nuo aal huu dah mi shiip dem, ahn dehn nuo mii,

John 10:16

“Ah gat som neks shiip, weh no iina disya flak yet, weh Ah hafy bring iin tu. Dehn gwain hier mi vais ahn den aala dem gwain bii wan flak wid wan shepad.

John 10:4

Wen di shepad don ker out aal ihn shiip dem, ihn waak hed a dem, ahn di shiip dem fala im, bikaaz dehn nuo fi him vais.

John 10:9

Ah dah di Giet; enybady weh kom chruu mii gwain siev, ahn dehn gwain iebl fi go iin ahn out ahn fain wan plies weh plenty graas deh.

John 6:37

Aala dem weh di Faada gi mi gwain kom tu mi; ahn enybady weh kom tu mi, Ah no gwain ton dem weh nontaim.

John 6:45

Laik weh di prafit dem wehn rait ahn seh: ‘God ihnself gwain tiich aala dem.’ So, enybady, weh wehn lisn tu di Faada ahn laan, gwain kom tu mii.

Romans 8:30

Ahn demde pipl weh God don pik bifuor ihn wehn iivn mek di worl fi mek dem bii laik ihn Son, dah dem ihn don kaal. Ahn demde pipl weh God wehn kaal, ihn mek evryting rait bitwiin dem ahn ihnself. Ahn demde pipl weh him wehn mek tingz rait wid, ihn gwain gi dem di gluory weh deh kom!

1 Corinthians 16:9

bikaaz wan uova gud chaans deh yah fi du wan big work fi God, iivn duo plenty pipl deh gens mi tu.

Philippians 4:3

Ahn Ah deh aks unu —weh dah mi work paadna— fi help out dehn two uman deh. Dehn yuuztu work haad lang saida mi fi spred di Gud Nyuuz bout Jesus Christ, lang wid Clement ahn di res a mi work paadna dem. God don rait dong fi dem niem iina di buk weh ihn put dong di niem ah aala demde pipl weh gwain liv wid him fareva.

Colossians 4:3

Ahn prie fi wii tu, so dat God wi gi wi di chaans fi tel plenty pipl di mesij bout Christ weh neva hier'ih yet. Ah deh iina prizn now iina chienz bikaaz Ah wende tel pipl disya mesij.

2 Timothy 2:19

Bot notn no gwain shiek di strang foundieshan weh God wehn don mek aredy. Ahn di wod dem weh wehn rait pahn dah foundieshan seh, “Di Laad nuo dem pipl weh dah fi him,” ahn, “Evrybady, weh seh dehn dah fi di Laad, hafy stap deh du dehn wikid tingz weh no rait ataal.”

1 Peter 1:12

Bot God tel di prafit dem seh, weh dehn deh rait bout dah no fi dem benifit, bot dah fi unu. Dehn wehn taak bout demde tingz weh now unu deh hier fahn demya pipl weh deh priich di Gud Nyuuz chruu di powa a di Holy Spirit, weh kom fahn hevn. Demya dah di tingz dem weh iivn di ienjel dem wuda laik fi nuo bout.

1 John 4:6

Bot, wii dah fi God, ahn enybady weh nuo God, lisn tu wii; ahn enybady weh dah no fahn God, no lisn tu wi. Dat dah how wi nuo wich spirit deh tel di chruut, ahn wich wan deh tel lai.

3 John 1:14

So, Ah gwain kom fi si unu suun; ahn den, wi gwain kyan taak fies tu fies.

Revelation 20:15

Ahn enybady weh dehn niem neva rait dong iina di Buk a Laif wehn get chruo iina di liek a faiya!

Revelation 3:20

Lisn! Ah deh stan op rait yah deh nak pan unu duo. Enybady weh hier mi vais ahn uopm di duo, Ah gwain kom iina ihn hous. Ahn mii ahn him gwain sidong ahn iit tugeda.

Revelation 7:17

Bikaaz di Lam, weh stan op fronta di chruon; him gwain tek kier a dem, jos laik how wan shepad main ihn shiip dem. Ihn gwain ker dem tu di plies weh paat di waata, weh gi laif, deh spring'op outa di grong. Ahn God gwain waip weh aala dehn ai-waata fahn dehn ai!”