John 1:5 - The New Testament in Islander Creole

⁵ Di Lait shain out iina di daaknis ahn di daaknis kyaahn put'ih out nontaim.

John 1:5 Iomraidhean Croise

Matthew 5:15

Nonbady no gwain lait wan lamp ahn den put'ih aanda wan baaskit. Insida dat dehn gwain put'ih op pan wan stan, so evrybady iina di hous kyan si gud.

John 1:10

Him wende iina di siem worl weh ihn mek, bot di pipl dem iina di worl neva andastan dah huu him.

Acts 26:18

Ah waahn yu fi uopm dehn ai ahn ton dem roun fahn di daaknis, weh dehn deh iina, tu di lait; ahn fahn Satan powa tu God. So chruu dehn fiet iina mi, dehn gwain get fargivnis fi dehn sin ahn dehn gwain gat wan plies mongs di pipl weh God wehn pik out fi ihn uon.’

Romans 1:28

So den, bikaaz demde kain a pipl no waahn put iina dehn haat di chruut weh wi fi nuo bout God, God lef dem rait deh. Ahn aal weh dehn tink bout dah demde tingz weh dehn korop main tel dem fi du; ahn den, dehn du di siem tingz weh dehn no fi du!

1 Corinthians 2:14

Di man or uman, weh no gat God Spirit iina dem, kyaahn andastan demya tingz weh ihn Spirit tiich wi, bikaaz demya tingz dah ongl fuulishnis tu dem. Dah ongl God Spirit kyan mek di pipl dem andastan demya tingz.