John 1:3 - The New Testament in Islander Creole

³ God yuuz dis siem Wod fi mek evryting —ahn ihn neva mek notn bitout him ataal.

John 1:3 Iomraidhean Croise

John 1:10

Him wende iina di siem worl weh ihn mek, bot di pipl dem iina di worl neva andastan dah huu him.

John 1:2

Yees, him wende rait dehso wid God fahn di biginin.

1 Corinthians 8:6

stil yet, wi nuo seh wi ongl gat wan God, di Faada! Dah him weh mek evryting, ahn now wi liv ongl fi him. Ahn wi nuo tu seh dah ongl wan Laad deh —Jesus Christ. Ahn God wehn mek evryting chruu him, ahn dah him weh gi wi chruu laif!

Ephesians 3:9

God pik mi fi mek evrybady andastan how him gwain mek disya siikrit plan hapm. Dah God —di Kriyieta a evryting— weh wehn kiip fi him siikrit plan dem aanda kova fahn di biginin a taim op til now.

Hebrews 11:3

Dah bikaaz a wi fiet iina God weh mek wi andastan seh, God jos seh ih ahn di huol worl ahn evryting iina ih kom fi bii! Ahn wi nuo seh di ting dem weh wi kyan si, wehn mek outa ting weh wi kyaahn si.

1 John 5:1

Evrybady weh biliiv seh Jesus dah di Christ, dah God pikniny, ahn evrybady weh lov di Faada gwain lov ihn pikniny dem tu.

Revelation 3:14

“Rait dis mesij tu di ienjel fahn di chorch iina Laodicea. Dis dah di mesij weh di ‘Amen’ sen. Fi chruut, him dah di Wan weh wi kyan chros iina, ahn weh deh taak di chruut aal di taim bout God. Dah fahn him kom aal weh God don mek. Ihn seh:

Revelation 4:11

Fi wi Laad ahn wi God, dah ongl yu weh gat di rait, fi get aal di gluory, ahn di ana ahn di powa; bikaaz yu dah di Wan weh mek evryting weh egzis. Yu mek dem aal ahn gi iich wan laif, bikaaz yu du dat fi yo uon plezha.