John 1:16 - The New Testament in Islander Creole

¹⁶ Ahn bikaaz God wehn ful'op a plenty lov ahn kainis, wi get blesin pan tapa blesin fahn im weh wi no dizorv.

John 1:16 Iomraidhean Croise

Colossians 1:19

Ahn dah God ihnself disaid seh di huol a him gwain liv iinsaida ihn Son, ahn God wehn pliiz wid dat.

Romans 5:2

Dah Jesus weh ker wi chruu wi fiet dah di plies weh wi kyan liv aanda God gries. Ahn dat mek wi ful'op wid jai, bikaaz wi nuo seh God gwain gi wi fi wi paat iina ihn gluory tu!

Ephesians 3:19

Dah chruut, bredrin, non a wi kuda eva nuo jos ho moch Christ lov wi; bot wen unu nuo God lov, ih gwain kiip aan deh work iinsaida unu plenty muo evry die til unu ful'op wid di fulnis a God himself!

Ephesians 1:23

Ahn di chorch dah laik Christ bady, ahn Christ ful'op di chorch. Dah him weh ful'op evryting, evrywie wid ihn uonself!

Romans 5:17

Dah chruut, dah fahn dat taim deh, sieka weh wan man, Adam sin, evrybady wehn hafy ded. Bot ongl wan man —weh dah Jesus Christ— kuda du weh ihn wehn du muo beta. So evrybady weh aksep God rich gries laik wan gif, God gwain mek dem rait wid him, ahn demde pipl gwain liv wan laif a viktry chruu Christ.

John 3:34

Bikaaz di Wan weh God sen seh, aala weh God waahn im fi seh, sieka God gi'im ihn Spirit ahn ihn neva huol bak notn ataal.

1 Peter 1:2

Bredrin: God, fi wi Faada, wehn pik unu weh dah ihn pipl fahn lang-lang taim abak. Ahn chruu ihn Spirit ihn mek unu huoly, so dat unu obie Jesus Christ, ahn ihn blod mek unu kliin iina ihn sait! So, Ah prie seh God gwain shuo unu plenty muo gries ahn piis iina unu haat!

Matthew 13:12

Bikaaz di man weh hier ahn biliiv dis mesij, ihn gwain andastan muo ahn muo; bot di man weh hier ahn no biliiv, dongtu di likl bit weh ihn hier, God gwain tek weh fahn im.

Colossians 2:3

Di Laad Jesus gat aal di trezha a God wizdom ahn nalij haid-weh iina him!

Romans 8:9

Bot, bredrin, unu no deh du weh fi unu sinful haat tel unu fi du. Now, unu deh du weh God Spirit tel unu fi du —if God Spirit liv iinsaida unu fi chruut. If Christ Spirit no deh liv iinsaida wan porsn, den dah porsn dah no fi Christ.

Luke 21:15

bikaaz Ai gwain gi unu di wod dem fi seh, ahn Ah gwain mek unu so waiz seh non a dem weh kom gens unu kyaahn rizis nar aagyo wid unu.

Matthew 3:14

Wen John si Jesus, ihn trai stap im deh seh, “Nuo, tiicha. Ai niid yuu fi baptaiz mii, ahn yuu deh kom fi mii baptaiz yuu?”

Matthew 3:11

Ah deh baptaiz unu wid waata fi shuo seh unu ripent ahn ton fahn unu sin dem, bot sombady gwain suun kom weh beta an mii, ahn ihn gat muo powa. Mii no gud nof iivn fi work laik ihn sorvant, nat iivn fi ker ihn shuuz dem. Him dah di wan weh gwain baptaiz unu wid di Holy Spirit ahn wid faiya.

1 Peter 1:11

Dehn wende wanda dah wat di Spirit a Christ —weh deh iina dem— wende taak tu dem bout. Ihn tel dem fahn bifuor ih hapm bout how Christ wuda sofa ahn bout ihn gluory aftawod. Den, dehn wende wanda dah wen aala dis gwain hapm ahn dah huu ih gwain hapm tu.

Romans 5:20

God sen di Laa fi mek di pipl dem andastan how sinful dehn sinful. Bot di muo di pipl dehn sin, God gries deh plenty muo.